İsa Qəmbər: Müxalifətə vahid namizəd lazım deyil

Azərbaycan hakimiyyətinə əhalinin kortəbii narazılıqları sərf edir, belə ki, nəzarət olunan vətəndaş etirazları ilə başa çıxmaq daha çətindir. Bu fikri objective.tv-yə büsahibəsində Müsavat Partiyasının lideri İsa Qəmbər bildirib.

Onun sözlərinə görö, partiyanın sədr müavini Tofiq Yaqublunun və ReAl hərəkatının lideri İlqar Məmmədovun həbsi məhz hökumətin nəzarət olunan vətəndaş etirazlarının daha təhlükəli olmasından qorxması ilə əlaqədardır. Lakin bu, qeyri-müəyyən məsələdir, hakimiyyət idarəetmə vasitələrini siyasi rəqiblərinin əlinə vermək istəmirsə, idarəolunmaz proseslərlə qarşılaşa bilər.

Əhali qanunsuzluqdan, məmurların özbaşınalığından narazıdır. Qeyri-legitim parlamentdə guya xalqı təmsil edən deputatlar hakimiyyətin əlavələridir. Rüşvətxorluq, korrupsiya, işsizlik, geniş kütlələrə qarşı ədalətsizlik...

Dalandan ən yaxşı çıxış yolu hakimiyyətin vətəndaş cəmiyyəti və müxalifətlə dialoqu olardı və hakimiyyət bunda hamıdan çox maraqlı olmalıdır. Lakin əslində cəmiyyət dövlət başçısının növbəti vədləri ilə qarşılaşır. “Korrupsionerləri, qudurmuş məmurları və onların övladlarını cəzalandıracağam, avtomobillərinizdən plyonkaları çıxarın” kimi bəyanatlar ilk dəfə səslənmir. İndi bu yığına daha bir əlavə edilib – “Mən hər şeyi bilirəm”. Nəhayət ki, cəmiyyət bunu eşitdi. Onda başqa bir sual yaranır: niyə adekvat reaksiya yoxdur?

Bir neçə icra hakimiyyəti başçısını vəzifədən çıxarmaq vəziyyətdən çıxış you deyil. Siyasi sistem dəyişməlidir ki, dövlət başçısı bunu edə bilməz.

Ölkəni demokratik, gələcək üçün məsuliyyət daşıyan qüvvələr idarə etməlidir. Siyasi müxalifət arasında belə partiyalar var. Oktyabrda prezident seçkilərində məhz onlar birləşərək, vəziyyəti dəyişə bilər. Əsas odur ki, 2003-cü ildəki səhv təkrarlanmasın – həmin vaxt bütün siyasi liderlər müxalifəti dəstəkləmədi və bu da parçalanmaya gətirib çıxardı. Bu gün müxalifətdən vahid namizəd haqqında müzakirələrə ehtiyac yoxdur, onsuz da Seçki Komissiyası lazımi miqdarda “cibəgirən” siyasətçiləri qeydiyyata alacaq, Qəmbər belə hesab edir.

Müsavat lideri hesab edir ki, seçkilərdə qələbə üçün “real müxalifət liderlərinin tam spektrini” müəyyən etmək lazımdır. Bəyan və müəyyən edilmiş liderlərdən başqa, tezliklə daha bir qüvvə ortaya çıxacaq – dramaturq Rüstəm İbrahimbəyovun elan etdiyi EL, hərəkatın siyasi lideri isə Eldar Namazovdur.

Bu gün cəmiyyətdə şüurlu olaraq kənar mövzular ortaya atılır, müxalifət və vətəndaş cəmiyyəti liderlərinə qarşı repressiyalar artır. Lakin bu, onların totalitar rejimə qarşı mübarizədə qələbə qazanmasına mane olmayacaq.

Müxalifət seçkilərdə qələbə qazanarsa, vətəndaş azadlıqları, əhalinin sosial reabilitasiyası və ərazi bütövlüyü prioritet olacaq, deyə Qəmbər bildirib. -17D-