N.Məhərrəmli: Prezident seçkiləri ərəfəsində xarici telekanallar üçün məhdudiyyətlər olacaq

Milli telekanallarının Azərbaycan ərazilərinin 100%-də yayımlanmasına nail olmaq niyyətindəyik, deyə Milli Teleradio Şurasının sədri Nuşirəvan Məhərrəmli obyektiv.tv-yə müsahibəsində bildirib.

Bundan başqa, ölkənin bütün əhalisinin rəqəmsal yayıma çıxışı olmalıdır. Onun sözlərinə görə, bunun üçün bütün zəminlər var. Bu mühüm problemin həlli üçün dövlət başçısının administrasiyasına, parlamentə, Rabitə Nazirliyinə və digər idarələrə müraciətlər göndərilib. Maliyyə Nazirliyi istisna olmaqla, bütün instansiyalar razılıq verib, “məsələnin qiyməti” cəmi 5-6 mln. manat təşkil edir. Bu vəsait 130 min aztəminatlı ailə üçün dekoder alınması üçün lazımdır.

Məhərrəmli problemin həlli üçün yerli müəssisələrə yerli dekoderlərin istehsalı üçün vəsait ayrılmasını lazım bilir. Bu zaman onlar 20-30 manat deyil, daha ucuz olacaq və yeni iş yerləri açılacaq.

Rəqəmsal yayıma keçid keyfiyyəti yaxşılaşdıracaq və tamaşaçılar bunu dərhal hiss edəcəklər. Bundan başqa, reklam, ticarət xidmətləri, nəqliyyatın hərəkət cədvəli kimi əlavə xidmətlərdən və digər məlumatlardan istifadə mümkün olacaq.

Tamaşaçılar özləri lazım olan proqramları sifariş edə biləcəklər, çünki tezliklərin sayı çoxalacaq.

Analoq yayımda “bir tezlik-bir kanal” prinsipi işləyirsə, rəqəmsal yayıma keçid bir tezlikdə 12-yə qədər telekanalın yayımlanmasına imkan verəcək. Minimum paketə 10 kanal – 9 milli və Türkiyənin TRT-1 kanalı daxil olacaq. Paytaxt sakinləri regional televiziyaya pulsuz çıxış əldə edəcəklər. Ödənişli xidmətlər də olacaq – kabel televiziyası operatorları şəbəkəsi bunun üçün fəaliyyət göstərir.

Məhərrəmli hesab edir ki, 9 milli yayımçı Azərbaycan üçün kifayətdir. Etik norma və qaydalara riayət olunmasına toxunan Məhərrəmli qeyd edib ki, MTRŞ “milli-mənəvi dəyərləri” pozanları cəzalandırmaq üçün kifayət qədər vasitəyə malik deyil.

2013-cü il prezident seçkiləri ərəfəsində yerli telekanalların yayım hüquqları məhdudlaşdırılmayacaq, lakin beynəlxalq və xarici telekanallar üçün normativlər tətbiq ediləcək. Lakin bu, siyasi sabitlik tələblərindən irəli gəlir və ayrı-seçkilik mənasına gəlmir. Eurovision-2012, dünya idman turnirləri zamanı istənilən arzu edən telekanal milli şuradan yayım icazəsi alıb, deyə Məhərrəmli bildirib. -17D-

 

https://www.youtube.com/v/DzqToAxZS3o?version=3&hl=en_US

Rəy yaz

Sual-cavab

Чего ждать после потери Авдеевки? - беседа с военно-политическим экспертом Олександром Мусиенко в "Çətin sual"



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti