Riçard Kozlariç: Seçkilər saxta olub

ABŞ-ın Bakıda keçmiş səfiri Riçard Kozlariç (1994-1997) Turan-ın Vaşinqton müxbirinə 9 oktyabr prezident seçkilərini şərh edərkən onları “saxta” adlandırb.

Azərbaycanın üçüncü müddətə İlham Əliyevlə haraya getdiyi haqqında suala cavabda Kozlariç deyib ki, Azərbaycan getdikcə daha qeyri-demokratik, repressiv dövlətə çevrilir, burada əsas insan hüquq və azadlıqları, ifadə azadlığı yoxdur, korrupsiya isə artır.

Seçkilər günü bir neçə qalmaqalla yadda qalıb, məsələn, MSK-nın saytında İlham Əliyevin qələbəsi haqqında əvvəlcədən hazırlanmış məlumatların, bülletenlərin topa şəklində qutulara atılmasını göstərən videoçəkilişlərin və digər kütləvi saxtakarlıqların çıxması kimi.

Bütün bunlar Qərb üçün seçkilərin legitimliyini şübhə altına qoymur?

Bu suala cavabda keçmiş səfir qeyd edib ki, saxtalaşdırmalar “həftələrlə əvvəl” başlayıb.

Məsələn, sentyabrın sonlarında hansısa Amerika şirkəti seçicilər arasında seçkiqabağı sorğu keçirib, sorğu nəticələrinə görə, guya İlham Əliyevin reytinqi 86% olub.

Bu, icra hakimiyyətlərinə və seçki komissiyalarına bu “nəticəyə” nail olmaq lazım olduğu haqqında siqnal idi ki, bu da edildi.

9 oktyabr səsvermə günü sadəcə Azərbaycanda seçkilərdə manipulyasiyalar aysberqinin puk nöqtəsidir.

“Əvvəlki seçkilərdə də eyni şeyi gördüm. Nə baş verdiyini başa düşmək üçün rejimin həftələr və aylar öncə bütün prosesi necə manipulyasiya etdiyinə baxmaq lazımdır.

ABŞ-ın bu seçkilərlə bağlı mövqeyi necədir?

Buna cavabda eks-səfir qeyd edib ki, hələlik rəsmi reaksiya yoxdur. Seçkilərə qədər Bakıdakı səfirlik seçkilərin demokratik keçiriləcəyinə ümid etdiyini bəyan edib. “Lakin bunun baş verdiyini düşünmək üçün əsas yoxdur”, deyə Kozlariç bildirib.

Müxalifət haqqında suala cavabda Kozlariç qeyd edib ki, müxalifətin, bütün çətinliklərə və təxtibatlara baxmayaraq, ləyaqətlə ayaqda durmağa hazır olmasından qürur duyur.

İstər müxalifət olsun, istərsə də ədalətli demokratik proseslər vasitəsilə ölkələrində siyasi dəyişikliklər istəyən sadə Azərbaycan vətəndaşları, Azərbaycanda əksəriyt nəticələrdən məyus olub. Xüsusən, öz gələcəklərini dəyişməyin yollarının axtarışında entuziazm və yaradıcı yanaşma nümayiş etdirən gənclər daha yaxşı nəticələrə layiqdirlər, deyə diplomat bildirib. -25В-