![İctimai birlik seçkilərin nəticəsini şübhə altına aldı](https://turan.az/resized/media/2013/main/101000053068-750-500-resize.webp)
İctimai birlik seçkilərin nəticəsini şübhə altına aldı
“Demokratiyanı Öyrənmə” ictimai birliyi 2013-cü ilin prezident seçkilərilə bağlı ilkin rəyini açıqlayıb.
Birlik 60 müşahidəçi ilə 30 seçki dairəsinin 300 məntəqəsində müşahidə aparıb. Seçkiöncəsi hüquqi və siyasi mühitin azad və ədalətli seçkiyə ciddi mane olduğu ifadə edilib. Seçki qanunvericiliyinin təkmil olmaması, siyasi azadlıqların məhdudlaşdırılması, siyasi motivlərlə təqib və təzyiqlər seçki pozuntularını daha kobud şəkildə şərtləndirib.
Sənəddə seçki komissiyalarının qeyri-peşəkar, icra qurumlarının nəzarəti altında olduqları, iqtidarın maraqlarından çıxış etdikləri, seçki pozuntularına şərait yaratdıqlarının müşahidə edildiyi əksini tapır. Kimlikləri bilinməyən şəxslər bülletenləri topa halda seçki qutularına atıblar, komissiya üzvləri bu şəxslərin hərəkətlərinə laqeyd qalıb.
Müşahidə edilən məntəqələrin 13%-də bülletenlər sayılmayıb. 47%-də seçicilər şəxsiyyət vəsiqəsi olmadan, barmağı mürəkkəblənmədən, səsvermənin gizliliyi pozularaq səs verib. 27%-də bülletenlər qutulara topa halında salınıb, 21%-də bir seçicinin təkrar səs verməsi, 17%-də bir seçiciyə bir neçə bülleten verilməsi qeydə alınıb. Məntəqələrin 31%-də icra qurumları seçiciləri seçi məntəqələrinə gətirib, 28%-də “karusel” əməliyyatı qeyd olunub. Bununla belə, seçici fəallığı 25%-dən çox olmayıb.
Bəzi məntəqələrdə seçici siyahısına çoxsaylı əlavələr olub, 59 məntəqədə səslərin sayılması və potokollaşma baş verib. 3 məntəqədə qurum müşahidəçiləri təzyiqə məruz qalıb. Cəmi 8 məntəqədə müşahidəçilər səslərin sayılmasında iştirak edə bilib. Məntəqələrin 45%-də bülletenlərin qutulardan topa şəklində çıxması qeydə alınıb. 75%-də protokolların surətləri müşahidəçilərə verilməyib.
İnzibati resurslardan iqtidar namizədinin xeyrinə istifadə seçkilərin nəticələrinə təsir edə biləcək səviyyədə olub. Qorxu mühiti seçiciləri iradəsini azad şəkildə ifadə etməkdən çəkindirib.
Müəlliflər göstərilən pozuntuların seçkilərin azad və ədalətli keçirilməsinə imkan vermədiyini, seçkilərin qanuniliyini və demokratikliyini ciddi şübhə altına aldığını bəyan ediblər.
“Demokratiyanı Öyrənmə” ictimai birliyi 15 mart 2006-cı ildə dövlət qeydiyyatına alınıb. 2009-cu il bələdiyyə, 2010-cu il parlament və 2011-ci ildə əlavə bələdiyyə seçkilərinin, yeni və təkrar seçkilərin monitorinqini aparıb, nəticələrə dair rəylə çıxış edib. -05D-
-
- İqtisadiyyat
- 10 Oktyabr 2013 17:33
-
- Sual-cavab
- 10 Oktyabr 2013 18:38
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz