ABŞ Azərbaycanı insan haqları üçün əlverişli mühit yaratmağa çağırır – Dövlət Departamenti Əli Əliyevin işi barədə
Vaşinqton/24.06.22/Turan: “Biz Azərbaycan Konstitusiyası ilə təmin edilən əsas azadlıqlardan istifadə etmək hüququnu, habelə hökumətin beynəlxalq öhdəliklərini tam dəstəkləyirik”, - Dövlət Departamentinin sözçüsü cümə günü sorğuya cavab olaraq bildirib.
TURANın müxbiri ondan mühakimə olunan müxalifət partiyasının lideri və Azərbaycanda hakimiyyətini kəskin tənqid edən Əli Əliyevə verilən son hökmə münasibət bildirməsini xahiş edib.
Vətəndaş və İnkişaf Partiyasının sədri Əli Əliyev dünən diffamasiya ittihamı ilə üçüncü dəfə mühakimə olunub.
Dövlət Departamentinin sözçüsü deyib: “Biz hakimiyyəti siyasi partiyaların, müstəqil medianın, QHT-lərin, dini qurumların və vəkillərin üzvlərinin sərbəst fəaliyyət göstərməsinə imkan verməklə insan hüquqlarının həyata keçirilməsi üçün əlverişli mühit yaratmağa çağırırıq”.
İnsan haqları qrupları və yerli fəallar Əliyevin işini diffamasiya qanununun siyasi opponentlərə və vətəndaş cəmiyyəti fəallarına qarşı istifadə olunduğunun növbəti sübutu kimi görürlər. -0-
Siyasət
-
"Meclis.info" platformasının həbsdə olan rəhbəri İmran Əliyevə qarşı yeni ittiham irəli sürüldüyü deyilir.
-
İstintaq təcridxanasında 8 günlük quru aclıq aksiyası Azərbaycan Xalq Cəbhəsi Partiyasının (AXCP) fəalı Elnur Həsənovun sağlamlığı üçün mənfi nəticələrə səbəb olub. O, 17,5 kq arıqlayıb və onun həzm sistemində problemlər yaranıb.
-
Teleqram şəbəkəsində bu günlərdə korrupsiyaya görə həbs olunmuş Rusiya müdafiə nazirinin keçmiş müavini Timur İvanovun daşınmaz əmlakını əks etdirən video yayılıb. Bu, Tver vilayətində Volqanın sahilində bir saraydır. Əmlakın dəyəri təxminən 2 mlrd. rubldur (təxminən 22 mln. dollar). Saray klassisizm üslubunda məşhur Znamenskoe-Raek malikanəsinin eynisidir.
-
Son günlər Qazaxın Ermənistanla həmsərhəd kəndlərində əhali etiraz aksiyaları keçirərək, 90-cı illərin əvvəllərində ermənilər tərəfindən işğal olunmuş ərazilərin Azərbaycana qaytarılması prosesini pozmağa çalışır.
Rəy yaz