Bakı/12.09.19/Turan: Cümə axşamı Bakının Səbayel Rayon Məhkəməsində Azər Tağıyevin sədrliyilə 162 saylı məktəbin keçmiş direktoru Sevinc Abbasovanın işi üzrə hazırlıq iclası olub.
Həmin məktəbin 8-ci sinif şagirdi, intihar etmiş Elina Hacıyevanın valideynləri keçmiş direktorun və Təhsil Nazirliyinin onlara 100 min manat kompensasiya ödəməsi tələbilə məhkəməyə müraciət ediblər.
Prosesin açıq olmasına baxmayaraq, jurnalistləri iclasa buraxmayıblar. Halbuki, bundan əvvəl Ali Məhkəmənin sədri Ramiz Rzayev bildirib ki, jurnalistlər bütün açıq məhkəmə iclaslarına buraxılmalıdır.
Jurnalistlərə iclasın yekunlarına dair informasiyanı məktəblinin valideynlərinin vəkilləri təqdim ediblər. Müdafiə tərəfi işin ilkin istintaqa qaytarılması barədə vəsatət qaldırıb, çünki iş kobud səhvlərlə aparılıb.
Əsasən E.Hacıyevanın vəfat etdiyi xəstəxananın həkimləri məsuliyyətə cəlb edilməyiblər, baxmayaraq ki, iki gün ərzində onlar müxtəlif rəylər veriblər. İlkin rəyə görə, E.Hacıyevanın bir ağciyəri yüngül zədələnib. İkinci rəydə isə hər iki ağciyərin funksiyasını itirdiyi göstərilib.
İlkin istintaq müstəqil ekspertin cəlb edilməsi ilə bağlı müdafiə tərəfinin vəsatətini təmin etməyib.
Digər vəsatət məktəb direktorunun həbsə alınması barədə rəyin vacibliyi ilə bağlı olub. Hər iki vəsatət təmin edilməyib.
Əvvəllər özünü qismən günahkar sayan S.Abbasova isə indi ittihamları rədd edərək işin dayandırılması barədə vəsatət qaldırıb.
Məhkəmə onun vəsatətini təmin etməyib.
Eyni zamanda məhkəmə müdafiə tərəfinin vəsatətini təmin edərək 100 min manat kompensasiya ödənilməsi barədə zərərçəkən tərəfin mülki iddiasını icraata qəbul edib. Cavabdeh qismində təkcə S.Abbasova yox, həm də Təhsil Nazirliyi cəlb edilib.
Mahiyyəti üzrə dinləmələr sentyabrın 18-nə təyin edilib.
Məktəbin keçmiş direktoru S.Abbasovaya qarşı CM-in 143 (təhlükədə qoyma) və 314.2-ci (səhlənkarlıq, ölümlə nəticələndikdə) maddələri ilə ittiham irəli sürülüb. Lakin 125-ci maddə (özünü öldürmə həddinə çatdırma) ilə heç kim məsuliyyətə cəlb edilməyib.
Müdafiə tərəfi hesab edir ki, S.Abbasova istintaq müddətində həbsdə olmalıdır, çünki azadlıqda şahidlərə təsir göstərə bilər.
Bundan əlavə, vəkillər E.Hacıyevanı xəstəxanaya daxil olduğu anda xilas etməyin mümkün olub-olmamasını müəyyən etmək üçün təcrübəli mütəxəssisin cəlb edilməsilə təkrar ekspertizanın keçirilməsi barədə vəsatət qaldırıb.
İlkin ekspertiza rəyinə görə, qız xəstəxanaya daxil olduğu anda onu xilas etmək mümkün olmayıb. Lakin Elinanın anası hesab edir ki, ona lazımi yardım göstərilməyib və xəstəxanada nəzarətsiz qalıb.
*2019-cu il aprelin 8-də 162 saylı məktəbin şagirdi Elina Hacıyeva (2004-cü ildə anadan olub) məktəbin üçüncü mərtəbəsindən özünü atıb. Fakt üzrə Bakı Şəhər Prokurorluğunda CM-in 125-ci maddəsi (özünü öldürmə həddinə çatdırma) cinayət işi başlayıb.
Məktəbin direktoru S.Abbasova iş üzrə məsuliyyətə cəlb edilib. Ona qarşı CM-in 143 (təhlükədə qoyma) və 314.2-ci (səhlənkarlıq, ölümlə nəticələndikdə) maddələri ilə ittiham irəli sürülüb. Lakin 125-ci maddə (özünü öldürmə həddinə çatdırma) ilə heç kim məsuliyyətə cəlb edilməyib. 21C--
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz