İlk dəfə olaraq Azərbaycanda korroziyadan müdafiə seminarı keçirilir

Bakı/12.09.19/Turan: Azərbaycanda korroziyadan müdafiəyə həsr edilmiş ilk texniki seminar Bakıda Bulvar hotel mehmanxanasında keçirilir.

Tədbir ATLAS ES MMC-nin təşəbbüsü ilə təşkil edilib.

Azərbaycan üçün korroziyadan müdafiə məsələləri ildən ilə köhnələn infrastruktur və avadanlıqlar baxımından aktualdır.

Bir sıra sahələrdə əsas vəsaitlərin köhnəlməsi 50 faizi ötür.

Bütövlükdə ölkədəki müəssisələrin orta istehsal yaşı 25 ili ötür.

Seminar korroziyadan müdafiə, avadanlıqların istismar müddətini uzatmaq üçün yeni texnologiya və materialların tətbiqi məsələlərinin müzakirəsi üçü vacib əhəmiyyət daşıyır.

Seminarda korroziya və yanğından müdafiə üçün material və texnologiyalar, keyfiyyətə nəzarəti ölçən cihazlar və dağıdıcı olmayan defektoskoplar təqdim edilib.

Seminarın proqramında həmçinin neft və qaz kəmərlərinin, tankerlərin və sənaye müəssisələri avadanlıqlarının müdafiə məsələləri də aktualdır.

Həmçinin mülki obyektlərin korroziyadan müdafiəsinə də diqqət yönəldiləcək.

Seminarda qoruyucu örtüklərin və tətbiqi cihazların istehsalçıları olan ATLAS COPCO, SHERWIN-WILLIAMS, NACE International, ELCOMETER, URALGRIT, GRACO. AIRBLAST kimi dünya liderləri təqdim edilib.

İştirakçılara qeyd olunan sahədə son nailiyyətlər və yeniliklər barədə informasiya təqdim ediləcək.-0-