Bakı/04.08.18/Turan: Azərbaycan Xalq Cəbhəsi Partiyasının (AXCP) inzibati qaydada həbs edilən iki fəalı azadlığa buraxılıb.
Bu haqda Turan-a AXCP-dən bildiriblər.
Partiyanın məlumatına görə, AXCP üzvləri Rabil Qurbanov və Ramin Əhmədov dünən, avqustun 3-də azadlığa çıxıblar. Onlar verilmiş cəza müddəti başa çatdığından azad ediliblər.
AXCP-nin inzibati həbs cəzası almış üzvü Yaşar Fərazinin isə bu gün, avqustun 4-də axşam azad ediləcəyi bildirilir.
AXCP-nin Binəqədi təşkilatının fəallarından olan Ramin Əhmədov iyulun 9-da Binəqədi rayon Polis İdarəsinin 7-ci polis bölməsinə çağırılmış, saxlanılmışdı. İyulun 10-da isə qeydiyyatda olduğu Lənkəran şəhərində məhkəmənin qərarı ilə 25 sutkalığa inzibati qaydada həbs edilmişdi.
İyulun 4-də saxlanılan Rabil Qurbanov isə Suraxanı Rayon Məhkəməsinin qərarı ilə 30 sutka inzibati həbs cəzası almışdı.
Bu gün azadlıa çıxacağı gözlənilən Yaşar Fərazi də iyulun 4-də Abşeron Rayon Məhkəməsinin qərarı ilə 30 sutka inzibati həbs edilmişdi.
Onların hər üçü polisin qanuni tələbinə əməl etməməkdə günahlandırılmışdı.
Son vaxtlar AXCP-nin bir neçə fəalına "polisin qanuni tələbinə tabe olmamaq" ittihamı ilə inzibati həbs cəzası verilib.
Hazırda AXCP-nin 10-dan çox üzvü müxtəlif ittihamlarla uzunmüddətli həbsdədir. Hüquq müdafiə təşkilatları onları təqsirsiz hesab edərək siyasi məhbus adlandırırlar.
Hakimiyyət rəsmiləri isə ölkədə siyasi məhbus olması fikrini qəbul etmirlər. Onlar deyirlər ki, siyasi məhbus sayılan şəxslər konkret törətdikləri əmələ görə, məsuliyyətə cəlb ediliblər.
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz