Bakı/23.01.18/Turan: Vəkilliyə qəbul üzrə imtahan yanvarın 28-nə təyin edilib. İmtahanda 1961 namizəd iştirak edəcək. Bu barədə Vəkillər Kollegiyasının məlumatında bildirilir. Qeyd edək ki, namizədlər test imtahanından başqa şifahi müsahibədən keçməlidir.
Müstəqil ekspertlərin sözlərinə görə, məhz ikinci mərhələdə fəal vətəndaş mövqeyi ilə tanınan hüquqşünaslara maneələr törədilir.
Yeni vəkillərin qəbulu mülki, siyasi və dini sahədə fəallıq göstərən şəxsləri, jurnalistləri, blogerləri təmsil edən tanınmış hüquqşünasların işdən kənarlaşdırılması fonunda keçirilir.
İki ay öncə vəkil Yalçın İmanovun səlahiyyətlərinə xitam verilib. Vəkil Fəxrəddin Mehdiyevin fəaliyyəti bir il müddətinə dayandırılıb. Digər vəkil Aqil Layıcov töhmət alıb.
Hazırda Vəkillər Kollegiyasının 934 üzvü var. Bu 10 milyon əhalisi olan ölkə üçün çox azdır.
Bununla yanaşı 2018-ci il yanvarın 1-dən yeni qaydaların qüvvəyə minməsi ilə vəkil çatışmazlığı yaranıb. Yeni qaydalara görə, məhkəmələrdə vətəndaşları ancaq Vəkillər Kollegiyasının üzvləri təmsil edə bilər.-06D--
Cəmiyyət
-
Son zamanlar Azərbaycanda plastik əməliyyatları həyata keçirən bəzi həkimlərin buna səlahiyyətlərinin olmaması ilə bağlı məsələlər geniş müzakirə olunur. Ayrı-ayrı məlumatlara görə, bu sahədə bir sıra həkimlərin heç müvafiq diplomu belə yoxdur. Həmin məlumatlarda iddia edilir ki, saxta həkim diplomları ilə fəaliyyət göstərən bəzi şəxslər müxtəlif klinikalarda çalışır.
-
Elon Mask, texnologiya milyarderi və X (əvvəlki adıyla Twitter) platformasının sahibi, dövlət rəsmilərinin mental hazırlığı ilə bağlı debatları yenidən gündəmə gətirərək vəzifə sahibləri üçün zəka testlərinin keçirilməsini təklif edib. Musk-ın bu təklifi, 81 yaşlı ABŞ konqresmeni Key Qrencerin küçədə azaraq sonradan demensiya xəstələri üçün nəzərdə tutulmuş qocalar evinə yerləşdirilməsindən sonra irəli sürülüb.
-
Dekabrın 22-də "Keşlə bazar"ında fəaliyyət göstərən satıcılar etiraz aksiyası keçiriblər. Onlar yanvarın 1-dən bazarın bağlanmasına etiraz ediblər.
-
Dekabrın 24-də paytaxtda yağıntı gözlənilmir. Səhər və axşam bəzi yerlərdə duman olacaq. Cənub-qərb küləyi əsəcək, axşam şimal-qərb küləyinə keçəcək.
Rəy yaz