"Son illərdə Azərbaycanda vərəmlə xəstələnmə səviyyəsinin azalması müşahidə olunur". Bu barədə 10 avqustda Elmi Tədqiqat Ağ Ciyər Xəstəlikləri İnstitutunun (ETACXİ) fəaliyyətinə dair "Dəyirmi masa" keçirildiyi zaman ETACXİ-nun direktor müavini İradə Axundova deyib.
İ. Axundovanın sözlərinə görə 2014-ci ildə ölkədə 100 000 əhaliyə 53,5-dən, 2014-cü ildə 100 000 əhaliyə 41,3-yə dək azalma var.
Epidemioloji prosesin gedişini təyin etmək üçün bu il ilkin xəstələr arasında 0-14 və 15-17 yaş qruplarında xəstələnən uşaqların sayı hesablanır. Son illər ərzində uşaqlar və yeniyetmələr arasında xəstələnmənin azalması (21,45-dən 14,3-dək ) müşahidə olunur. 100 min uşaq arasında 14 uşaq vərəm xəstəsidir.
Vərəm xəstəliyinin statiskasının azalması Səhiyyə Nazirliyinin Milli Vərəm Proqramı çərçivəsində həyata keçirilməsi nəticəsində olub, deyə İ. Axundova qeyd edib.
Mütəxəssislər hesab edirlər ki, vərəm xəstəliyinin azalması dinamikası davam edəcək. Belə ki, 2010-cu ildən vərəmli xəstələrin dərmanla təchizatını dövlət öz üzərinə götürüb. 2013-cü ildən etibarən dərmana davamlı vərəmli xəstələrin də müalicəsi üçün lazım olan dərman preparatları da dövlət tərəfindən təchiz olunur. Xəstələr tam pulsuz müalicə alırlar.
Hazırda Dövlət proqramı çərçivəsində dərmana davamlı vərəmli xəstələrə xidmət göstərən müasir standartlara cavab verən 3 mərkəz (6 saylı, 8 saylı və 9 saylı xüsusiləşdirilmiş vərəm xəstəxanaları) istifadəyə verilib.
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz