Açiq mənbələrdən foto.
2022-ci ilin 10 ayında gömrük işçiləri 900 kiloqramdan çox narkotik maddə aşkar edərək götürüblər
Bakı/22.11.22/Turan: Bu ilin 10 ayı ərzində Azərbaycan Dövlət Gömrük Komitəsinin əməkdaşları narkotik maddələrin qanunsuz yolla keçirilməsinə dair 64 fakt aşkar ediblər və 905 kiloqram narkotik maddəni dövriyyədən çıxarıblar. Bu barədə Dövlət Gömrük Komitəsinin məlumatında deyilir.
Götürülmüş narkotik vasitələrin ümumi çəkisindən 92,6 faizini ağır narkotik maddələr - heroin və metamfetamin (müvafiq olaraq 458 kiloqram və 379 kiloqram) təşkil edib.
Bundan əlavə, 57 kiloqram tiryək, 5 kiloqram həşiş, 2 kiloqram marixuana, 260 qram kokain götürülüb.
Şübhəli bilinən 66 nəfərin - 21 nəfər Azərbaycan vətəndaşı, İran -25, Türkiyə -10, Rusiya -7, Qazaxıstan, Maldiv və Pakistanın hər birindən 1 nəfərin barəsində müvafiq tədbirlər görülüb.-05D06-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz