![Ağac kəsənlər həbs edilib](https://turan.az/resized/media/2017/main/072700003434-750-500-resize.webp)
Ağac kəsənlər həbs edilib
Bakı/27.07.17/Turan: Bakı şəhər sakinləri Vasif Salmanov və Sadiq Əhmədova Cinayət Məcəlləsinin 259.3-cü (qabaqcadan əlbir olan bir qrup şəxs tərəfindən qanunsuz ağac kəsmə küllli miqdarda ziyan vurmaqla törədildikdə), Vüqar Şirinova isə həmin maddə ilə yanaşı, 308.1-ci (vəzifə səlahiyyətlərindən sui-istifadə) maddə ilə ittiham elan olunub. Məhkəmənin qərarı ilə onların barəsində həbs qətimkan tədbiri seçilib. Bu barədə Baş Prokurorluğun mətbuat xidmətinin məlumatında deyilir.
Məlumatda bildirilir ki, paytaxtın Nizami rayonu ərazisində "Karvan-K" İstehsalat Kommersiya şirkəti tərəfindən əsaslı tikinti işlərinin aparılması zamanı 9 ədəd ağac məhv edilib. Ağacların kəsilməsi nəticəsində dəyən ümumi ziyanın məbləği 7.920 manatdır.
Ekologiya və Təbii Sərvətlər Nazirliyindən daxil olan material baş prokuror yanında Korrupsiyaya Qarşı Mübarizə Baş İdarəsində araşdırılıb. Həyata keçirilən tədbirlər nəticəsində məlum olub ki, şirkətin direktoru Vüqar Şirinov xidməti vəzifələrinin icrası ilə əlaqədar öz qulluq mövqeyindən sui-istifadə edərək üzərində hər hansı hüquqları olmayan torpaq sahəsindəki yaşıllıqların məhv edilməsi hesabına həmin şirkətin balansında olan "Planet" şadlıq sarayının arxa hissəsində yenidənqurma işləri aparıb. O, fərdi əmək fəaliyyəti ilə məşğul olan V. Salmanov və S. Əhmədovla qabaqcadan əlbir olaraq onlara ağacların kəsilməsi ilə bağlı tapşırıq verib. Tapşırığa əsasən sonuncular həmin ərazidə 9 ədəd ağacı qanunsuz olaraq kəsiblər. Faktla bağlı cinayət işi başlanıb. Məhkəmənin qərarı ilə həmin şəxslərin barəsində həbs qətimkan tədbiri seçilib.
Hazırda cinayət işi üzrə zəruri istintaq tədbirləri davam etdirilir.
Xatırladaq ki, prezident İlham Əliyev ağacların qanunsuz olaraq kəsilməsinin yolverilməz olduğunu, belə hallara yol verən şəxslərin məsuliyyətə cəlb edilməli olduğunu Nazirlər Kabinetinin iclasında hökumət üzvlərinin diqqətinə çatdırıb. "Biz ağacları kəsənlərə qarşı daha da ciddi tədbir görməliyik. Onlar məsuliyyətə cəlb edilməlidir. Bir daha demək istəyirəm ki, Ekologiya və Təbii Sərvətlər Nazirliyinin icazəsi, rəyi olmadan şəhərdə bir dənə də olsun ağac kəsilə bilməz. Bu, mənim son xəbərdarlığımdır", - prezident qeyd edib.
Prezidentin xəbərdarlığından sonra ağac kəsənlərin cinayət məsuliyyətinə cəlb edilməsi və həbsi davam edir. -03B-
-
- İqtisadiyyat
- 27 İyul 2017 16:32
-
- Cəmiyyət
- 27 İyul 2017 18:07
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz