Bakı/27.07.17/Turan: Azərbaycan prezidenti yanında Mənzil İnşaatı Dövlət Agentliyi (MİA) baş prokuror yanında Korrupsiyaya Qarşı Mübarizə Baş İdarəsinə müraciət edib.
Bu müraciət əsasında "579 SSA" MMC-yə qarşı araşdırma işi aparılıb. Bu açıqlamanı MİA və Baş Prokurorluq birgə yayıb.
Adı çəkilən özəl müəssisənin vəzifəli şəxsləri Agentliyin adından qanunsuz istifadə edərək edərək dələduzluq hərəkətlərinə yol veriblər.
MİA adı çəkilən müəssisənin təsisçisi Eldar Salayev və direktoru Məhəmməd Qafarovun agentliyin tikdirdiyi binalarda mənzil almasına yardım edəcəkləri vədilə Bakı sakini Samir Məmmədova mənzil alqı-satqısına dair sənəd verməsindən şübhələnir: "İlkin ödəniş adı altında həmin vətəndaşın 5 min manat məbləğində pulunu ələ keçirmələrində, həmçinin cinayəti gizlətmək məqsədilə özləri tərəfindən təsdiq edilmiş və məzmununa bilə-bilə yalan məlumatları daxil etdikləri mənzil alqı-satqısına dair rəsmi sənədləri ona verməklə vəzifə saxtakarlığı etmələrində şübhələr üçün əsaslar yarandığından fakt üzrə cinayət işi başlanıb", - açıqlamada deyilir.
Faktla bağlı E.Salayev və M.Qafarova qarşı Cinayət Məcəlləsinin 178.2.1 (dələduzluq qabaqcadan əlbir olan bir qrup şəxs tərəfindən törədildikdə), 178.2.3 (dələduzluq qulluq mövqeyindən istifadə etməklə törədildikdə), 178.2.4 (dələduzluq xeyli miqdarda ziyan vurmaqla törədildikdə), 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə ittiham elan olunmaqla məhkəmənin qərarı ilə barələrində həbs qətimkan tədbiri seçilib.
Cinayət işinin istintaqı zamanı həmin vəzifəli şəxslər tərəfindən güzəştli şərtlərlə sosial mənzillərin satılması adı altında daha 25 vətəndaşın əmlaklarının ələ keçirilməsi faktları müəyyən olunub.
Hazırda "579 SSA" MMC-nin vəzifəli şəxsləri tərəfindən törədilməsi ehtimal olunan digər cinayətlərin aşkar edilməsi istiqamətində zəruri istintaq-əməliyyat tədbirləri davam edir.
Prezident yanında Mənzil İnşaatı Dövlət Agentliyi 2016-cı ildə yaradılıb. Onun əsas fəaliyyəti ölkə vətəndaşlarının yaşayış sahələrinə olan ehtiyacını ödəməkdir. Bununla bağlı Agentlik hazırda Yasamal ərazisində bir neşə binanın titknitisini həyata keçirir.-05D-
Cəmiyyət
-
Noyabrın 8-i Azərbaycanda Zəfər Günü kimi qeyd edilir. Azərbaycan 2020-ci ildə 44 günlük müharibə və 2023-cü ildə birgünlük hərbi əməliyyatla ərazi bütövlüyünü bərpa edib. Azərbaycan, Ermənistan və Rusiya dövlət başçıları arasında atəşkəs bəyanatı imzalansa da, dörd il keçməsinə baxmayaraq, Bakı və Yerevan hələ də sülh müqaviləsi imzalanmayıb.
-
Şənbə günü Bakıda və Abşeron yarımadasında yağış yağacağı, bəzi yerlərdə intensiv olacağı gözlənilir.
-
Azercell Cup 2024 proqramlaşdırma müsabiqəsinin qalibləri üçün beynəlxalq olimpiadalara hazırlıq dərsləri başlayıb. İnformatika üzrə biliklərinin gücləndirilməsi məqsədilə ümumtəhsil müəssisələrinin 6-cı və 7-ci sinif şagirdləri hazırlıq proqamına cəlb olunublar.
-
Lider mobil operatordan “HONOR” cihazları əldə edən abunəçilərə “SuperSən6GB” tarif paketinə iki aylıq abunəlik hədiyyə Azercell noyabr ayının 8-i Zəfər Gününə özəl kampaniyaya start verir. Kampaniya çərçivəsində "Azercell Eksklüziv" və diller mağazalarından HONOR” smartfonu və ya planşeti əldə edən müştərilərə “SuperSən6GB” tarif paketinə iki aylıq abunəlik həddiyə edilir. Qeyd edək ki, kampaniya 229 AZN-dən başlayan cihazlara şamil olunur.
Rəy yaz