Фото из открытых источников
Alpinistlərə görə cinayət işi açılıb
Bakı/06.01.178/Turan: Dekabrın 23-də "Gilavar" - hava və ekstrim idman klubunun alpinistlərinin Quba rayonunun Xınalıq kəndindən Tufandağı istiqamətində yürüşə çıxıb geri qayıtmamaları ilə bağlı cinayət işi açılıb.
Bu haqda Baş Prokurorluğun və Fövqəladə Hallar Nazirliyinin mətbuat xidmətlərinin birgə məlumatında deyilir.
Prokurorluq və nazirlik qeyd edir ki, "Gilavar" idman klubunun 3 üzvü - Namin Bunyatov, Babur Hüseynov və Fəridə Cəbrayılzadənin "Tufandağ" istiqamətində itkin düşmələri barədə məlumat daxil olub. Həmin məlumat əsasında dekabrın 27-də fövqəladə hallar və ekologiya və təbii sərvətlər nazirliklərinin, Dövlət Sərhəd Xidmətinin müvafiq qurumları tərəfindən helikopter cəlb olunmaqla axtarışa başlanılıb.
İlkin araşdırmalar zamanı müəyyən edilib ki, 3 alpinist dekabrın 23-də saat 14 radələrində "Tufandağ" zirvəsi istiqamətində hərəkət edib, naməlum şəraitdə itkin düşüb.
Məlumatda bildirilir ki, hadisə ilə əlaqədar xüsusi mühafizə olunan təbiət əraziləri və obyektlərindən istifadə sahəsində qanunvericiliyin tələblərinə əməl edilməməsinə dair şübhələr üçün kifayət qədər əsaslar yarandığından cinayət işi açılıb. Rəsmi qurumların qənaətinə görə, alpinistlərin ixtisası, təcrübəsi, hazırlıqlarının yürüşə imkan verib-verməməsi, meteoşəraitin dağın zirvəsinə qalxmağa əlverişli olub-olmaması, marşrutun seçilməsi və təhlükəsizlik tədbirləri ilə bağlı digər məsələlərə nəzarət edilməsi sahəsində məsul şəxslərin öz xidməti vəzifələrini lazımi qaydada yerinə yetirməməsinə şübhələr var.
Cinayət işi Cinayət Məcəlləsinin 314.2-ci (səhlənkarlıq, ehtiyatsızlıqdan ağır nəticələrə səbəb olduqda) maddəsi ilə başlanılıb.Hazırda cinayət işi üzrə Baş Prokurorluğun Ağır cinayətlərə dair işlər üzrə istintaq idarəsində zəruri istintaq-əməliyyat tədbirlərinin həyata keçirldiyi bildirilir.
Məlumatda həmçinin qeyd edilir ki, ərazi və əlverişsiz hava şəraitinin çətinliklər yaratmasına rəgmən intensiv axtarış tədbirləri davam etdirilir.
Cəmiyyət
-
"Qanunvericiliyə əsasən, bu ilin noyabrında parlament seçkiləri olmalıdır, ancaq seçkilərin müddəti önə də çəkilə bilər". Bunu mayın 2-də Mərkəzi Seçki Komissiyasının (MSK) iclasında qurumun sədri Məzahir Pənahov bildirib.
-
Bakıda yaşıllıqların məhv edilməsi ictimaiyyətin narahatlığına səbəb olub, belə ki, bütün şəhər ərazisində bir neçə parkda tikinti işlərinin aparıldığı müşahidə olunub və sosial şəbəkələrdə işlərin gedişatını əks etdirən fotoşəkillər yayılıb. Maraqlıdır ki, Nərimanov rayonunda, “Dostluq” kinoteatrının yaxınlığındakı şəhidlər parkında sakinlər ağacların kəsildiyini və yüksək binaların tikintisi üçün ərazilərin hasara alındığını bildirirlər.
-
Çərşənbə axşamı Bakıda və Abşeron yarımadasında yağış yağacağı, bəzi yerlərdə intensiv xarakterli olacağı, şimşək çaxacağı gözlənilir. Şimal-qərb küləyi əsəcək.
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
Rəy yaz