![AMAY prezidentilə bağlı şikayət təmin olunmayıb](https://turan.az/resized/./turan-750-500-resize.webp)
AMAY prezidentilə bağlı şikayət təmin olunmayıb
Bakı Apellyasiya Məhkəməsi AMAY şirkətlər qrupunun prezidenti Abdulla Abdullayevin həbs-qətimkan tədbirinin ev dustaqlığı ilə əvəzlənməsi barədə verilən vəsatəti təmin etməyib.
İyunun 3-də Bakı Apellyasiya Məhkəməsində hakim Əflatun Qasımovun sədrlik etdiyi prosesdə Binəqədi rayon məhkəməsinin çıxardığı qərar qüvvədə saxlanıb.
A.Abdullayev aprelin 4-də həbs edilib. Baş Prokurorluq 2006-2008-ci illərdə “Birlikbank” ASC-nin Müşahidə Şurasının sədri olmuş A.Abdullayevi Sahibkarlığa Kömək Milli Fondunun xətti ilə kənd təsərrüfatı və s. sahələrin inkişafı üçün götürülən 4 milyon manata yaxın vəsaitin “AMAY” MMC-nin Xətai rayonu ərazisində yerləşən binasının təmir-tikinti işlərinə sərf etməkdə ittiham edir. Prokurorluq A.Abdullayevə Cinayət Məcəlləsinin mənimsəmə və ya israf, eləcə də vəzifə səlahiyyətlərindən sui-istifadə maddələri ilə ittiham irəli sürüb. -05D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz