![DAK İran səfirinin üzr istəməsini tələb edir](https://turan.az/resized/./turan-750-500-resize.webp)
DAK İran səfirinin üzr istəməsini tələb edir
Dünya Azərbaycanlıları Konqresi (DAK) İranın Azərbaycandakı səfiri Möhsün Pakayinin Təbrizdə mətbuata açıqlamasında Azərbaycanın ünvanına səsləndirdiyi ittihamlarla bağlı bəyanat yayıb.
Sənəddə səfirin Azərbaycandakı ictimai-siyasi, sosial-iqtisadi, tibb, təhsil, hüquqi sahədə məsələlərə toxunmasına etiraz olunur. Səfirin Azərbaycanda nəşr edilən dərsliklərdə tarixi təhriflərə yol verilməsi, bunların aradan qaldırılması üçün iki ölkənin birgə xüsusi komitə formalaşdırması iddiasına yer verilir.
DAK hesab edir ki, səfir açıqlamasında beynəlxalq hüquq normalarını kobud şəkildə pozaraq Azərbaycanın daxili işlərinə qarışıb.
Azərbaycanın müstəqil dövlət olduğunu, siyasi kursunu özü müəyyən etdiyini xatırladan müəlliflər səfirin nəzərinə kənardan müdaxilənin yolverilməzliyini xatırladırlar.
Səfirin Quzey və Güney Azərbaycanda milli birlik məsələsinin radikal qüvvələrin ortaya atması, hər iki tərəfdə qəsdən qızışdırılması haqda açıqlamasına cavabda müəllfilər xalqın birləşmək arzusunu və bu yolda mübarizənin xalqın öz içindən gəldiyini vurğulayırlar.
“Bu mübarizə tarixi ədalətsizliyə, bir xalqın imperiyalar əli ilə parçalanmasına qarşı millətin içində gəzdirdiyi etiraz hissinin reallaşmasıdır. Təkcə XX yüzillikdə Güneydə bu xalq dəfələrlə öz azadlıq və istiqlalı uğrunda ölüm-dirim mübarizəsinə girişib”, - deyə müəlliflər səfirə xatırladırlar.
Daha sonra müəlliflər 2006-ci ildə Güney Azərbaycan xalqının İranı bürüyən etirazının əvvəlki mübarizələrinin davamı olduğunu qeyd edirlər. Bəyanatda İran səfirinin açıqlaması millətin müstəqillik arzusunu, idealını kiçiltmək, dəyərsiz göstərmək məqsədi daşıdığını qeyd edirlər.
Son olaraq, müəlliflər İran səfirindən açıqlamalasında yol verdiyi siyasi xətalara aydınlıq gətirməsini və Azərbaycan xalqından üzr istəməsini tələb edirlər. -05D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz