Xüsusi Dövlət Mühafizə Xidmətinin (XDMX) zabiti Asif Lətifovun anası oğlu barədə həbs-qətimkan tədbiri seçilməsinə etiraz olaraq bazar ertəsi RATİ-də mətbuat konfransı keçirib.
G.Lətifova oğlu A.Lətifovun 17 il bu xidmətdə çalışdıqdan sonra həbsinə səbəb kimi komandiri Fikrət Rzayevlə münaqişədə olmasını göstərib. Münaqişəyə səbəb isə 2011-ci ilin martında baş vermiş hadisə olub. Belə ki, XDMX əməkdaşı Emin Ələkbərov patronu itirib, komandir F.Rzayev baqşa bir patronu itmiş patronun əvəzinə E.Ələkbərova verib. Aeroport ərazisində xidmətdə olan A.Lətifov itmiş patronu taparaq XDMX müfəttişliyinə təhvil verir. Bu hadisədən 4 gün sonra XDMX rəisi Vaqif Axundovun əmrilə A.Lətifov “xidmətə uyğunsuz” qərarı ilə işdən azad edilib. G.Lətifova oğlunun xidmət müddəti ərzində 4 dəfə qüsursuz xidmətə görə mükafatı ilə təltif edildiyini əsas gətirərək, V.Axundovun qərarını əsassız adlandırır.
A.Lətifov qərarla razılaşmır, mətbuata bu haqda etiraz açıqlamaları verir. F.Lətifovaya görə, oğlunun öz haqqını müdafiə etməsi də həbsinin səbəbləri sırasındadır. G.Lətifovanın sözlərinə görə, oğlunun işdən azad edilməsinin bir ilinin tamamına 5 gün qalmış ona qarşı Cinayət Məcəlləsinin 228-ci (qanunsuz silah saxlamaq), 132.2.3-cü (kütləvi silah sursat saxlamaq) ittihamları ilə cinayət işi qaldırılıb. 2012-ci il avqustun 29-da barəsində həbs qəti imkan tədbiri seçilib. Bu haqda qərarda həbs-qətimkan tədbirinin seçilməsi “A.Lətifovun cəmiyyətə mənfi emosiyalar verdiyi üçün cəmiyyətdən təcrid olunması” kimi “əsas”landırılır. “Bu, təkcə hüquqi savadsızlıq, hüquqi nihilizm deyil, bu, sadəcə hüquq elmini ələ salmaqdır”, - deyə G.Lətifova bu qərara münasibət ifadə edib. G.Lətifova işi aparan müstəntiq Amil Rəhimovun A.Lətifovla münaqişədə olan komandir Fikrət Rzayevin qohumu olduğu üçün istintaqı “qərəzdə, sifariş yerinə yetirməkdə” ittiham edib.
Hazırda barəsində 3 aylıq həbs-qətimkan tədbiri seçilən A.Lətifov Kürdəxanı təcridxanasında saxlanılır. Oğlunu təqsirsiz sayan G.Lətifova məsələni ictimailəşdirməklə dövlət rəhbərliyi və hüquq-mühafizə qurumlarının diqqətini buna cəlb etmək istədiyini və azadlığı üçün çalışacağını nəzərə çatdırıb. -05C-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz