Yerevan/03.09.12/Turan-Armİnfo: “Ramil Səfərovun ətrafında yaranmış vəziyyətlə bağlı Moskvanın davranışı, onun susması yumşaq desək, qəribədir”, - sentyabrın 3-də Yerevanda mətbuat konfransında Regional Araşdırmalar Mərkəzinin direktoru, analitik Riçard Kirakosyan deyib.
R.Səfərovun ekstradisiyası və onun əfv edilməsi bütün dünyada ermənilərin qəzəbinə səbəb olub. Ağ Ev və Dövlət Departamenti səviyyəsində ABŞ da daxil olmaqla, bəzi ölkələr Macarıstan və Azərbaycan hakimiyyətinin hərəkətlərini tənqid ediblər.
Kirakosyana görə, Vaşinqtonun reaksiyası kifayət qədər qətiyyətli olub və Budapeştlə Bakının bu addımına məhz birinci ABŞ rəsmi reaksiya verib.
“Lakin Rusiyanın hərəkəti, onun susması düşünməyə vadar edir. Ermənistanın strateji tərəfdaşı olan Moskva antierməni isteriyasının nəticəsi olan və sonda Ermənistanın təhlükəsizliyinə qorxu yaradan bu hadisəyə heç bir reaksiya verməyib”, -Kirakosyan vurğulayıb. O hesab edir ki, Kremlin passiv davranışı Rusiyanın Cənubi Qafqazdakı yeganə müttəfiqinə real münasibətindən xəbər verir. –02D-
Siyasət
-
Fevralın 6-da Azərbaycan və Avropa İttifaqı arasında readmissiya haqqında saziş çərçivəsində Almaniyadan 45 nəfər Azərbaycan vətəndaşı readmissiya edilib. Bu barədə fevralın 7-də Azərbaycan Dövlət Miqrasiya Xidməti bildirib.
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
Rəy yaz