Sabahdan «Azərpoçt» MMC Ukraynaya pul köçürmələrinin yeni texnologiyasına başlayacaq. Bu, STEFI (Secured Transfer of Electronic Financial Information) sürətli pul köçürmələri sisteminə qoşulma sayəsində mümkün olacaq.
Bu sistem sayəsində sürətli pul köçürmələri 30 dəqiqəyə həyata keçiriləcək. Tariflər mövcud qiymətlərdən yüksək deyil.
STEFI sürətli pul köçürmələri sistemi üzrə sazişlər hələ Ukrayna və Belarusla bağlanılıb. Sistemin üstünlüyü ondadır ki, vəsait 3 saata çatdırılır. Yerli poçtuin əsas maliyyə üstünlüyü odur ki, göndəriş və qəbuldan gəliri yalnız “Azərpoçt” əldə edəcək.
Sistem bu ilin I rübündə işə düşməli idi, amma texniki problemlərdən sentyabra keçirildi.
Perspektivdə tərəfdaş ölkələr artacaq, xidmət sutka boyu işləyəcək.
Sistem Beynəlxalq Poçt İttifaqının tövsiyələrinə uyğun həyata keçirilir və MDB məkanında ilk dəfə Bakıda istismara veriləcək. Ukrayna ilə iş uğurlu alınsa, yerli poçt STEFI sistemi ilə Rusiya, Belarus, Qazaxıstan və Moldova ilə də mübadilə həyata keçirəcək.
«Azərpoçt» MMC Gürcüstan və Birləşmiş Ərəb Əmirlikləri ilə də pul köçürmələri həyata keçirir. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz