Anonimə cavab

 

Sentyabrın 2-də 1NEWS.AZ  saytında A.A. ləqəbli müəllifin yazısı dərc edilib, daha sonra isə Facebook, AzərTAc və digər KİV vasitəsilə yayılıb.
Material “Bir daha Ramil Səfərovun azad edilməsi haqqında və ya professor Xanlar Ələkbərovun səhvi” adlanır. Məqalədə naməlum müəllif istehzalı bir şəkildə mənə hüququn əlifbasını “öyrədərək”, böyük qüsurlarda ittiham edir. Bununla əlaqədar olaraq, anonimə aşağıdakı cavabı verirəm:
 
Birincisi, R.Səfərovun Azərbaycana ekstradisiyası faktını müsbət qiymətləndirirəm və onun qanunla müəyyən edilmiş qaydada əfv edilməsinə etiraz etmirəm.
 
İkincisi, müəllifin mənim sözlərimə görə “dövlət başçısının maksimum Səfərovun ömürlük həbs cəzasını 25 il cəza ilə əvəz edə biləcəyi” haqqında iddiaları, yumşaq desəm, düz deyil.
Bir neçə gün əvvəl Сontact.az-da yazmışdım ki, “dövlət başçısı maksimum R.Səfərovun ömürlük  cəzasını 25 ilədək azadlıqdan məhrumetmə cəzası ilə əvəz edə bilər”.
 
Üçüncüsü, anonim müəllifin “25 il müddətinə” düz 25 il, “25 ilədək” isə bu müddətdən bir saniyə belə olsa az olan hər şey demək olduğu barədə mühakimələri hüququn əsaslarını zəif bilməsinin göstəricisidir. Belə ki, Azərbaycan Respublikası prezidentinin 18 iyul 2001-ci il tarixli fərmanı ilə təsdiq edilmiş əfv haqqında qanunun 8.4-cü maddəsinə əsasən ömürlük həbs cəzasına məhkum edilmiş şəxslərin əfv edilməsi məsələsinə yalnız cəzanın 10 ili çəkildikdən sonra baxıla bilər. Amma məlum olduğu kimi, R.Səfərov 13 aprel 2006-cı ildə həbs edilib və əfv edildiyi ana qədər 10 ildən az cəza çəkib.
 
 “Prezident öz sərəncamı ilə ömürlük həbs cəzasını 8 ildən artıq cəza ilə əvəz edib” termininə gəlincə, bu, belə deyil, belə ki, dövlət başçısının sərəncamında “əvəz edilsin” deyil, “azad edilsin” yazılıb. Razılaşın ki, bu, eyni şey deyil. 
 
İndi isə mahiyyəti üzrə: avqustun 31-də yazmışdım və bir daha təkrar edirəm ki, dövlət başçımızın normativ aktlarının layihələrini hazırlayanlar ya qəsdən, ya da başqa səbəblərdən bizi beynəlxalq ictimaiyyət qarşısında pis vəziyyətdə qoyur.
 
Şübhəsiz, Azərbaycan Respublikası prezidentinin R.Səfərovu əfv etmək hüququ var idi. Bu, təkcə qanuni deyil, həm də siyasi humanist qərardır. Amma sərəncamı hazırlayan hüquqşünasların vəzifəsi bu siyasi qərara konstitusiyadan kənara çıxmayan legitim hüquqi don geyindirmək idi. 
Bunun üçün onların sərəncamlarında bütün zəruri hüquqi vasitələr var idi. Məsələn, sərəncamda “azad edilsin” sözü əvəzinə “... 8 il 6 ay azadlıqdan məhrumetmə ilə əvəz edilsin” cümləsi yazıla bilərdi. O zaman bu sərəncam hüquqi nöqteyi-nəzərdən daha məqbul olardı (güclə olsa da), əvəzində heç kim R.Səfərovun əfvinin qanunsuz olduğunu deyə bilməzdi.
Mühakimələrimin mahiyyəti bundan ibarətdir.
  
Professor Xanlar Ələkbərov 
 
 
 
Redaksiyadan:
 
  Yuxarıda deyilənlərə məhkəmədə R.Səfərovun hüquqlarını müdafiə edən vəkilin fikrini əlavə etmək yerinə düşərdi. Vəkil öz Facebook səhifəsində Səfərovun azad edilməsi səlahiyyətləri haqqında ona verilmiş suala belə cavab verib:
 
  “Konvensiyanın əfv, amnistiya və cəzanın yüngülləşdirilməsi adlanan 12-ci maddəsinə əsasən “Hər bir tərəf öz konstitusiyasına və ya digər qanunlara əsasən əfv, amnistiya və cəzanın yüngülləşdirilməsini tətbiq edə bilər”.
    İndi qalır milli qanunvericilik və konstitusiya. Burada mübahisə doğuran bir məqam var. Cinayət Məcəlləsinin 82/3-cü maddəsinə əsasən ömürlük azadlıqdan məhrum etmə cəzası əfv qaydasında iyirmi beş ildən çox olmayan müddətə azadlıqdan məhrum etmə cəzası ilə əvəz edilə bilər. 
    Bu maddəyə əsasən prezident Ramil Səfərovun cəzasını 25 ilədək istənilən müddətlə əvəz edə bilərdi. Buna görə də sərəncamda belə də yazılmalı idi: "1977-ci ildə anadan olmuş, Macarıstanın Budapeşt Paytaxt Məhkəməsinin 2006-cı il 13 aprel tarixli hökmü ilə ömürlük azadlıqdan məhrum etmə cəzasına məhkum edilmiş Azərbaycan Respublikasının vətəndaşı Səfərov Ramil Sahib oğlunun cəzası 8 il 6 ay azadlıqdan məhrum etmə cəzası ilə əvəz edilsin və o, cəzasını çəkdiyi üçün həbsdən azad edilsin".
 
 
Redaksiya bu məsələ ilə bağlı digər fikirləri də dərc etməyə hazırdır
 

Rəy yaz

Söz istəyirəm

Qərb Ermənistanı müharibəyə hazırlayır? – Nahid Cəfərov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti