Anar Məmmədlinin həbsindən sonra ölkədən getmək istəyən gənclərin sayı artıb

Azərbaycan Miqrasiya Mərkəzi (AMM) 18 dekabr-Miqrant Günü” ilə bağlı çərşənbə günü BMM-də mətbuat konfransı keçirib.

Mərkəzin rəhbəri Əlövsət Əliyev bildirib ki, miqrant məsələsi ilə bağlı ölkədə işlər görülsə də bu sahədə problemlər hələ də qalmaqdadır.

Bu il ərzində mərkəzə 4553 miqrant müraciət edib. Bunların da əksəriyyəti ölkədən gedişlə bağlı sənədlərin qaydaya salınmasına aid olub. Daha bir maraqlı fakt Seçkilərin Montiorinqi və Demokratiyanın Tədrisi Mərkəzinin (SMDTM) rəhbəri Anar Məmmədlinin həbsindən sonra ölkədən gedişlə bağlı 14-15 nəfər gənc Mərkəzə müraciət etməsidir. Bütünlükdə isə 170 nəfər ölkədən getmək istəməsilə bağlı Mərkəzə müraciət ünvanlayıb. Ə.Əliyev bu faktı ölkədən “beyin axını” kimi dəyərləndirib. Bunlarin da çoxu ali təhsilli, bir neçə dil bilən, xarici ölkələrdə yüksək təhsil alan gənclərdir. Getmək istəyənlərin 41%-i ABŞ və Kanada ilə maraqlanıb. 

Ölkədən getmək istəyənlərin 28%-i bunu əlverişli sahibkarlıq mühitinin olmaması ilə əlaqələndirib. 14% təhsil almaqla bağla xaricə getmək istəyir, 14% sadəcə qaçqın statusu almaqla bağlı ölkəni tərk etmək fikrindədir. 

Azərbaycana kütləvi gəliş yoxdur. Gələnlərin əksəriyyəti məcburi əmək qurbanı olmuş ölkələrin nümayəndələridir. Bu sırada Türkmənistan, Özbəkistan, Qazaxıstan, Pakistan, Filippin  nümayəndələri üstünlük təşkil edirlər.

Xarici ölkə vətəndaşları “Şahdağ” yay-qış idman kompleksinin titkintisində məcburi əmək qurbanı olublar. Bundan əlavə “DİA-Holdinq”, “Paşa-Holdinq”, “Yapı-inşaat”, “Azinko” şirkətləri belə insanları məcburi əmək qurbanlarına çeviriblər.

Ölkədə sənədsiz yaşayan mirqantların sayı artır. Bu, ölkəyə gələn miqrantların vətəndaşlıq ala bilməsi üçün çoxpilləli mərhələni keçməsindən irəli gəlir. Öncə şəxs turist kimi gəlir, daha sonra qonaq kimi qalır, bir-iki ilə immiqrant stasusu alır. Ölkədə ancaq 5 il qaldıqdan sonra vətəndaşlıq ala bilir. Bu müddətdə isə miqrantlar ölkədə sənədsiz yaşayırlar. Belə təcrübə isə dünyanın heç bir ölkəsində yoxdur.   Mərkəz rəhbəri belə miqrantların cərimə olunması ilə bağlı cərimənin  məbləğinin 25%-nun miqrasiya xidməti əməkdaşlarının maaşına əlavə olunduğunu deyib. Buna görə miqrasiya xidməti əməkdaşlarını belə miqrantların çox olmasında maraqlı tərəf kimi qiymətləndirib. Onun sözlərinə görə,  bu gün ölkədə 30 mindən çox sənədsiz miqrant yaşayır.

İnsan alveri qurbanları məsələsinə toxunan Ə.Əliyev rəsmi Bakının ölkədə məcburi əmək qurbanları olan əcnəbi şəxslərin insan alveri qurbanı olmasını tanımaq istəmədiyini vurğulayıb. 

Ə.Əliyev miqrasiya sahəsində uğurlar əldə etmək üçün qanunvericiliyin daha da təkmilləşdirilməsini təklif edib. 05C-