Azərbaycanın iqtisadi inkişafı və onun ərazisi ilə nəqliyyat dəhlizlərinin inkişafı tranzit miqrasiya üçün şərait yaradır. Bu barədə Beynəlxalq Miqrasiya Təşkilatının Bakıdakı missiyasının rəhbəri Serkan Aktorpak Miqrant Gününə həsr olunmuş tədbirdə bildirib.
Onun sözlərinə görə, 90-cı illərdə Azərbaycan daha çox miqrasiya mənbəyi olan ölkə olub.
Lakin iqtisadiyyatın inkişafı Azərbaycanı təyinat məntəqəsinə, eləcə də tranzit miqrasiyası ölkəsinə çevirir.
“Miqrasiya problem deyil, tənzimlənmə tələb edən prosesdir”, - Aktoprak vurğulayıb.
O qeyd edib ki, heç bir ölkə miqrasiya məsələsini müstəqil nizamlamağa qadir deyil və bu səbəbdən də beynəlxalq əməkdaşlıq lazımdır.
Hazırda dünyada 1 mlrd. miqrant, o cümlədən 238 mln. beynəlxalq və 70 mln. daxili miqrant var. Bu statistika qlobal çağırışlar doğurur və ölkələr buna qarşı birgə mübarizə aparmalıdır.
Qeyri-leqal miqrasiya ciddi problem olaraq qalır. Dünya üzrə insan alveri dövriyyəsi 35 mlrd. dollara çatır.
Ombudsman Elmira Süleymanova miqrantlar haqqında vahid məlumat bazasının yaradılmasının vacibliyin bildirib, miqrantların hüquqlarının müdafiəsində beynəlxalq əməkdaşlıqdan danışıb. Bu yaxınlarda Rusiyaya səfər zamanı 16 qeyri-leqal miqrantın qayıtması məsələsi operativ həll olunub. Onları deportasiya təhlükəsi gözləyirdi ki, bu da 5 il ərzində Rusiyaya gedişə qadağa qoyulması demək idi.
Dövlət Miqrasiya Xidməti rəhbərinin müavini Pərviz Musayev Rusiya ilə miqrasiya sahəsində əməkdaşlıq haqqında sazişin hazırlandığını bildirib. Türkiyə ilə analoji saziş artıq imzalanıb.
O həmçinin Azərbaycanda miqrantların vəziyyətinin yaxşılaşdırılması ilə bağlı tədbirlər haqqında məlumat verib.
Belə ki, yaşayış yeri üzrə qeydiyyata görə rüsum alınması ləğv edilib. Bundan əlavə, Azərbaycan vətəndaşları ilə nikaha girən miqrantlar əmək lisenziyası almaqdan azad edilirlər.
Bugünkü tədbirdə miqrantların problemləri və onların həlli yolları ilə bağlı durum, hakimiyyətin bu sahədə siyasəti, qanunvericiliyin vəziyyəti təhlil olunmayıb.—06C-
Cəmiyyət
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
Rəy yaz