Çərşənbə günü Bakı Apellyasiya Məhkəməsində AXCP fəalı Fuad Əhmədlinin həbs qətimkan tədbiri barədə qərardan şikayətinə baxılıb.
Lakin şikayət təmin edilməyib və Apellyasiya Məhkəməsi Səbayel Rayon Məhkəməsinin qərarını qüvvədə saxlayıb. Bu barədə Turan-a vəkil Əsabəli Mustafayev məlumat verib.
F.Əhmədli avqustun 18-də saxlanılıb. Avqustun 19-da axşam Dövlət Təhlükəsizlik Xidməti və Baş Prokurorluq F.Əhmədlinin işi üzrə birgə bəyanatla çıxış ediblər. Məlumatda deyilir ki, F.Əhmədli çalışdığı “Azərfon” rabitə şirkətində abonentlərin şəxsi bilgilərinin yayılmasında ittiham olunur.
Hüquq-mühafizə orqanlarının bildirdiyinə görə, F.Əhmədlinin evində axtarış zamanı qanunvericiliklə qadağan edilmiş dini ədəbiyyat, CD-disklər, Fətullah Gülənin çıxışları olan vərəqələr tapılıb. Avqustun 23-də hüquq-mühafizə orqanları F.Əhmədlinin işinin digər AXCP fəalı, Gülənin təşkilatı ilə əməkdaşlıqda təqsirli bilinən Faiq Əmirovn işi ilə eyni icraatda birləşdirildiyini bəyan edib.
Vəkil Mustafayev qeyd edib ki, F.Əhmədlinin işinin Baş Prokurorluqda araşdırılan iş ilə birləşdiriməsinə baxmayaraq, qanun pozuntusu olaraq onu hələ də Dövlət Təhlükəsizlik Xidmətinin təcridxanasında saxlayırlar və Penitensiar Xidmətin təcridxanasına köçürmürlər.
Bununla əlaqədar müdafiə tərəfi ayrıca şikayət verəcək.
Ə.Mustafayev F.Əhmədliyə qarşı irəli sürülən ittihamların əsassız olduğunu bildirib.
Fəalın atası bildirib ki, hüquq-mühafizə orqanları mənzildə axtarış zamanı Gülənlə bağlı heç bir ədəbiyyat, disk tapmayıblar, özləri ilə bir neçə bədii ədəbiyyat götürüblər. Doğmaları F.Əhmədlinin Gülən hərəkatı ilə hər hansı əlaqəsini inkar edir.--06D--
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz