![Açiq mənbələrdən foto.](https://turan.az/resized/media/2023/main/070600064100-750-500-resize.webp)
Açiq mənbələrdən foto.
Apellyasiya Məhkəməsi Bəxtiyar Hacıyevin həbs müddətinin uzadılmasından şikayəti təmin etməyib
Bakı/06.07.23/Turan: Bu gün Bakı Apellyasiya Məhkəməsi hüquq müdafiəçisi və ictimai fəal Bəxtiyar Hacıyevin həbs müddətinin daha bir ay – iyulun 28-dək uzadılması ilə bağlı şikayəti təmin etməyib. Bu barədə Turan-a vəkil Aqil Layıc bildirib.
O qeyd edib ki, bu qərarla bağlı müdafiə tərəfi Avropa İnsan Hüquqları Məhkəməsinə Hacıyevin işi üzrə əlavə şikayət göndərəcək.
*Bəxtiyar Hacıyev ötən il dekabrın 9-da xuliqanlıq və məhkəməyə hörmətsizlik ittihamı ilə saxlanılıb. Həmin gün Xətai Rayon Məhkəməsi onu 1 ay 20 gün həbs edib.
9 yanvar 2023-cü ildə Apellyasiya Məhkəməsi onu azad etməkdən imtina edib və Hacıyev yenidən aclığa başlayıb. Yanvarın 21 – də məhkəmə onun həbs müddətini bir ay, fevralın 23 - də isə daha iki ay-aprelin 28-dək uzadıb.
Fevralın 28-də, aclıq aksiyasının 51-ci günündə Hacıyev aclığı dayandırıb.
ABŞ Dövlət Departamentinin, ABŞ Senatının, Avropa İttifaqının, Avropa Şurasının və bir sıra beynəlxalq qeyri-hökumət təşkilatlarının nümayəndələri dəfələrlə Hacıyevin həbsdən azad edilməsini tələb ediblər.
İyunun 16-da ona qarşı qanunsuz sahibkarlıq, cinayət yolu ilə əldə edilmiş gəlirlərin leqallaşdırılması, sənədlərin saxtalaşdırılması və qaçaqmalçılıqla bağlı yeni ittihamlar irəli sürülüb.
Azərbaycanlı fəal Bəxtiyar Hacıyevə qarşı irəli sürülən yeni ittihamlar Avropa hüquq-müdafiə təşkilatından qrant alınması ilə bağlıdır, Reportyorların Azadlıq və Təhlükəsizlik İnstitutu bildirib. Təşkilat Bəxtiyar Hacıyevlə bağlı hadisəsinin presedent olacağından narahatlığını ifadə edib, çünki bundan sonra digər fəallara və hüquq müdafiəçilərinə qarşı oxşar ittihamlarla təqib dalğası başlaya bilər. 16B06
-
- Siyasət
- 6 İyul 2023 17:38
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz