Bakı/06.07.23/Turan: İyulun 5-də Bakının Nərimanov Rayon Məhkəməsi Azərbaycan parlamentinin keçmiş deputatı, sahibkar və ictimai fəal Nazim Bəydəmirli barəsində 4 aylıq həbs qətimkan tədbiri seçib. Bu barədə Turan-a keçmiş parlamentarinin vəkili Aqil Layıc bildirib.
Onun sözlərinə görə, Bəydəmirliyə qarşı Azərbaycan CM-in 182.2.4-cü (Hədə-qorxu ilə tələb etmə, xeyli miqdarda əmlak əldə etmək məqsədi ilə törədildikdə) maddəsi ilə ittiham irəli sürülüb.
Bəydəmirli özünü təqsirli bilmir və apellyasiya şikayəti vermək niyyətindədir.
Bəydəmirli iyulun 4-də saxlanılıb. O, saxlanıldıqdan sonra vəkilinə zəng edib və Gədəbəy rayonunun Söyüdlü kəndindəki iğtişaşlarla bağlı mövqeyinə görə məsuliyyətə cəlb edildiyini bildirib.
Keçmiş deputat KİV-ə müsahibəsində yerli sakinlərin kənddə yerləşən qızıl mədəni müəssisəsinin fəaliyyətinin insanların sağlamlığına və ətraf mühitə zərərli təsiri haqqında iddialarının əsaslı olduğunu bildirib.Bundan sönra hökumətyönlü mediada Nazim Bəydəmirliyə qarşı kampaniya başladılıb. Etirazların arxasında onun durduğuna dair iddialar səsləndirilib.
Hüquq müdafiəçisi Samir Kazımlı Kamran Mahmudovun təqdimatında yayımlanan “Çətin sual” verilişində Nazim Bəydəmirlinin həbsinin əsl səbəbləri barədə danışır.
Çətin sual
-
Azərbaycanda 2025-ci il yanvarın 29-da bələdiyyə seçkiləri keçiriləcək. Noyabrın 27-də Mərkəzi Seçki Komissiyasının iclasında bu barədə məlumat verilib.
-
Səhiyyə Nazirliyinin tabeliyindəki İctimai Səhiyyə və İslahatlar Mərkəzinin mülki müdafiə qərargahının rəisi Ədalət Verdiyev həbs edilib. Həm də ehtiyatda olan zabit olaraq, hərbi ekspert kimi fəaliyyət göstərən Ədalət Verdiyev dövlət sirri hesab edilən hərbi məlumatları yaymaqda ittiham olunur. Bu barədə Baş Prokurorluğun mətbuat xidməti məlumat yayıb.
-
Noyabrın 23-də COP29-un pərdələri endikdə, iki həftə davam edən iqlim sammiti Azərbaycanın paytaxtında, Ekologiya və Təbii Sərvətlər naziri Muxtar Babayevin sədrliyi ilə keçirilərək həm rahatlama, həm də narazılıq hissləri ilə başa çatdı. Formal razılaşma elan olunsa da, ora çatmaq üçün keçilən gərgin yol qlobal iqlim dəyişikliyi ilə mübarizəyə bağlılıqda dərin fikir ayrılıqlarını və açıq qalan sualları ortaya qoydu.
-
Noyabrın 23-də BMT-nin İqlim Dəyişikliyi üzrə Çərçivə Konvensiyasına tərəflərin Konfransının (COP29) 29-cu sessiyası Bakıda başa çatdı. Azərbaycan Respublikasının Ekologiya və Təbii Sərvətlər Naziri Muxtar Babayevin rəhbərlik etdiyi konfrans iki həftə davam etdi.
Rəy yaz