![Açiq mənbələrdən foto.](https://turan.az/resized/media/2023/main/070600064101-750-500-resize.webp)
Açiq mənbələrdən foto.
Söyüdlü sakinləri problemlərinin həllini gözləyirlər
Bakı/06.07.23/Turan: Gədəbəy rayonunun Söyüdlü kəndinin sakinləri yaxınlıqda yerləşən qızıl emalı zavodunun fəaliyyətindən irəli gələn problemlərlə əlaqədar qeyri-müəyyən vəziyyətdədir.
Kənddəki mənbə bildirib ki, Söyüdlüyə girişlərdə hələ də polis postları durur. Kəndə ancaq yerli sakinlər buraxılır.
Mənbənin sözlərinə görə, yerli polis və icra hakimiyyəti orqanlarının rəhbərləri tez-tez kəndə gəlirlər və yerli sakinlərlə söhbət edirlər.
Son günlər kənddə həbslər dayandırılıb.
"Biz ətraf mühitin çirklənməsinə, insan sağlamlığı üçün zərərli olan kimyəvi tullantıların zavoddan atıldığı süni gölə qarşı çıxdıq, nəticədə isə yeni problemlərlə üzləşdik, adamlarımızı saxladılar, polis postları qurdular. Komissiyanın nəticələrini gözləyirik. Ancaq hələlik texnika "sianid gölü" ətrafındakı işləməyə davam edir.
Görünür, ləğv etmək əvəzinə gölü genişlədirlər. İndiyə qədər heç bir şey dəyişməyib",- mənbə sözlərinə davam edib.
*İyunun 20-də Söyüdlü sakinləri yaxınlıqdakı qızıl mədəni tərəfindən ətraf mühitin çirkləndiyini bildirərək etiraz aksiyası keçiriblər. Polis aksiyanı sərt şəkildə dağıdıb, 10 nəfər xəsarət alıb. Beş nəfər saxlanılıb və inzibati qaydada 20 sutka həbs edilib. Digər yaşlı bir sakin 1500 manat cərimələnib. Sonradan daha bir neçə nəfər saxlanılıb. Lakin hüquq-mühafizə orqanları saxlanılanların sayı barədə məlumat vermirlər
Vətəndaş cəmiyyətinin "Söyüdlü" işçi qrupunun məlumatına görə, bu kənddəki hadisələr üzrə ümumilikdə 11 nəfər həbs edilib, o cümlədən 8 nəfər inzibati məsuliyyətə cəlb edilib, üç nəfərə isə narkotik maddə ilə bağlı cinayət ittihamları irəli sürülüb.
Fəalların məlumatına görə, inzibati qaydada həbs olunanları Bakıya Daxili İşlər Nazirliyinin Mütəşəkkil Cinayətkarlıqla Mübarizə Baş İdarəsinə gətiriblər, ola bilsin ki, onlara qarşı cinayət ittihamları irəli sürüləcək.
Hüquq müdafiəçiləri və müxalifət parlamentin keçmiş deputatı, rəsmi versiyaya görə, pul tələb etməkdə ittiham olunan Nazim Bəydəmirlinin həbsini də Söyüdlüdəkı hadisələrlə əlaqələndirirlər. 03B06
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz