Martın 11-də Bakı Apellyasiya məhkəməsində Vahid Məmmədovun sədrliyi ilə hüquq müdafiəçisi Oqtay Gülalıyevin yetkinlik yaşına çatmayan övladı Əli Gulalıyevlə bağlı apelliyasiya şikayətinə baılması qeyri- müəyyən müddətədək təxirə salınıb. Bu barədə Turan-a O.Gülalıyev bildirib.
Onun sözlərinə görə, təxirə salınmaya səbəb məhkəmənin prosesin məhkəmə istintaqı ilə aparılması barədə müdafiə tərəfinin vəsatətini qəbul etməməsidir.
Qərarla razılaşmayan müdafiə tərəfi Ali Məhkəməyə kassasiya şikayəti verib.
Ə. Gülalıyev Xətai Rayon Məhkəməsinin 30 oktyabr 2014- cü il tarixli hökmü ilə Cinayət Məcəlləsinin 221.1- ci maddəsi ilə ittiham edilərək qazancının 15 faizi məbləğində pul dövlət nəfinə tutulmaqla 6 ay müddətinə islah işləri cəzasına məhkum edilib.
Müdafiə tərəfi hesab edir ki, birinci instansiya məhkəmə bu iş üzrə təqsirləndirilən şəxsə qarşı irəli sürülən ittihamları sübuta yetirməyib, eyni zamanda məhkəməyə təqdim edilən sübutları düzgün qiymətləndirməyib. Protokolda şahidlərin verdiyi ifadələr təhrif olunub. Həmin sübutları yenidən araşdırmadan iş üzrə hallara düzgün və obyektiv qiymət vermək mümkün deyil.
Ə. Gülalıyev 2013- cü il sentyabrın 22-də naməlum şəkildə döyülərək bıçaqlanıb. Hadisənin üstündən 1 il 6 ay vaxt keçsə də baş vermiş cinayət işi ilə bağlı lazımi ölçü götürülməyib, günahkarlar məhkəmə qarşısına çıxarılıb cəzalandırmayıb. Əksinə, zərərçəkən şəxs Ə. Gülalıyev sonradan təqsirləndirilən şəxsə çevrilib və ona qarşı Bakı Şəhər Baş Polis İdarəsində cinayət işi qaldırılıb.-16D
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz