Glencore Mixail Qutseriyevin Azərbaycandakı neft yataqlarının ortağı olur

“Russneft” şirkətinin sahibi Mixail Qutseriyev şirkətin 49% payının İsveçrənin   Glencore treyderinə satıldığını bildirib.

“RussNeft" və Glencore çoxdankı tərəfdaşlardır. Treyder M.Qutseriyev 2002-ci ildə neft şirkətini yaradarkən ona kredit verib.

Glencore “RussNeftin” neftinin hamısını satır.

M.Qutseriyev bildirib ki, şirkətlərin birləşdirilməsi tərəfdaşlarla – “RussNeft”in bir neçə törəmə müəssisəsinin səhm paketinin sahibi olan  Glencore treydinq şirkətilə bütün məsələlərin həllindən sonra baş tutacaq.

“RussNeft”in sahibi qeyd edib ki, törəmə şirkətlər xaricdə aktiv fəaliyyət göstərirlər.

“Azərbaycanda, Qazaxıstanda, Mavritaniyada və digər regionlarda – oralarda böhran yoxdur. Həmçinin Əlcəzairdə. Orada məzənnə də sabitdir və işlər gedir. Orada inkişaf etmək olar”, - o qeyd edib.

2002-ci ildə yaradılmış “RussNeft” 2006-cı ildə Azərbaycana da gəlib. Abşeron yarımadasının cənub hissəsində yerləşən “Zıx” və “Hövsan” yataqları üzrə PSA tipli müqavilə imzalayıb.

Azərbaycanda “RussNeft” başgicəlləndirici uğurlar əldə edib. Belə ki, qısa müddətdə quruda 17 yataq (5 əməliyyat şirkəti ilə operatorluq şəraitində) işləyə bilib, üstəlik 25 il müddətinə PSA- müqavilə üzrə.

Sonradan Rusiyada M.Qutseriyevin müəyyən hüquqi problemləri olduğundan “RussNeft”in Azərbaycandakı aktivlərində bəzi dəyişikliklər olub. O, Global Energy şirkəti ilə əvəzlənib. Bu şirkət Virciniya adalarının Britaniya hissəsində offşor zonada qeydiyyatdan keçib.

Hazırda Global Energy Azerbaijan Ltd. öz strukturlarında quruda hasilatla məşğul olan aşağıdakı şirkətləri birləşdirir: Absheron Operating Company Limited (“Zıx” və “Hövsan” yataqlarını birləşdirir), Karasu Operating Company (“Kəlamətdin” və “Mişovdağ”), Kura Valey Operating Company (“Padar-Haremi”), Neftechala Investments Limited (“Neftçala”, “Xıllı”, “Durovdağ-Bazanan”), Binagadi Oil Company (“Binəqədi”, “Qırmaki”, “Çaxnaqlar”, “Sulutəpə”, “Masazır”, “Fatmayi”, “Şabandağ” və “Sianşop”).

Glencore Azərbaycanda da iz buraxıb. Şirkət Gədəbəy yatağında istehsal edilən mis treyderinin eksklüziv treyderinə və Azərbaycan neftinin satış üzrə treyderə çevrilib. Lakin 2014-cü ilin mayında o, mis konsentratı treyderi üzrə eksklüziv hüququ Cenevrədə yerləşən SA mədənçıxarma qrupuna verib.  Onu Azərbaycanda belə təmsil ediblər. Əslində isə bu, Evraz Group S.A. qrupdur - beynəlxalq vertikal-inteqrasiya edilmiş metallurgiya və mədənçıxarma şirkətidir. 2014-cü il iyunun 1-nə olan məlumata görə, şirkətin əsas  benefisiarları rusiyalı biznesmenlər Roman Abramoviç (səhmlərin 30,99% faizi), şirkətin Direktorlar Şurasının sədri Aleksandr Abramov (21,55%), baş direktor Aleksandr Frolov (10,76%), Gennadi Kozovoy (5,69%) və Aleksandr Vaqındır (5,63%).

Azərbaycan neftinin Glencore tərəfindən satışıl barədə son məlumatlar 2009-cu ilin fevralını əks etdirir. O vaxt meydana 2008-ci ildə Cenevrədə yaradılmış SOCAR Trading meydana çıxır ki, Azərbaycan neftinin satışının 75%-i ona məxsus olub.

Şirkətdə əsas rolu prezident Vladimir Putinin keçmiş iş yoldaşı Valeri Qolovuşkin oynayır. 2012-ci ildə sürətlə inkişaf edən şirkət şəffaflığın təminatı barədə İsveçrə hökumətinin tələblərindən sonra SOCAR-ın tərkibinə daxil olmağa məcbur olub.

Prezident V.Putinin keçmiş iş yoldaşı Gennadı Timçenkonun nəarətində olan Rusiyanın əsas neft treyderi   Gunvor şirkəti də oxşar vəziyyətlə üzləşib,  Forbes qeyd edir. 2014-cü ilin martında Timçenko ABŞ-ın sanksiyası qarşısında Gunvor-dakı 44% payını şirkətin həmtəsisçisi Torbyern Tornkvistə satıb. Hazırda o 87% səhmə sahibdir.

Hələ bir neçə il əvvəl Gunvor Kremlin himayəsi ilə Glencore-u postsovet məkanında ikinci mövqeyə sıxışdırıb. Lakin “RussNeft”,

SOCAR Trading və Gunvor ilə bağlı vəziyyət göstərdi ki, Glencore itirilmiş mövqelərini qaytarır.

1994-cü ildə Marc Rich + Co-nun bazasında yaradılmış  Glencore International AG öncə sənaye aktivləri əldə edərək, sonra isə müəssisələrin idarə olunmasında iştirak edərək Rusiyada fəal işləməyə başlayır. Şirkətin baş ofisi İsveçrədə yerləşir və ABŞ-ın aparıcı ofislərindən biri sayılır.-0—