Bu gün Bakı Ağır Cinayətlər Məhkəməsində “vicdan” məhbusu Sirac Kərimovun işi üzrə prosesdə dövlət ittihamçısı onun 8 il azadlıqdan məhrum edilməsini istəyib.
Məhkəmə prosesi martın 16-da müdafiə tərəfin çıxışı ilə davam etdiriləcək.
S.Kərimov Müsavat Partiyasının fəalı Raqif Kərimlinin oğlu, bu təşkilatın sədr müavini Fərəc Kərimlinin qardaşıdır. F.Kərimli də həmin ittiham üzrə həbsdədir.
S. Kərimli 2014-cü il iyulun 17-də saxlanılaraq barəsində həbs qətimkan tədbiri seçilib. O, Cinayət Məcəlləsinin 234.4.3-cü (qanunsuz olaraq satış məqsədilə böyük ölçüdə narkotik maddə əldə etmək və ya saxlamaq) maddəsi ilə ittiham olunub.
Onun qardaşı F. Kərimli isə iyulun 23-də eyni ittihamla həbs edilib. Həbsdən sonra o, qiyabi olaraq Müsavat Partiyası sədrinin müavini seçilib.
Amnesty İnternational Sirac və Fərəc Kərimli qardaşlarını “vicdan məhbusu” kimi tanıyıb. -16D04-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz