Bakı/25.10.17/Turan: Bakı Apellyasiya Məhkəməsinin hakimi Mirzəli Abbasovun sədrliyi ilə keçirilən prosesdə "Atabank"ın müraciəti əsasında borca görə həbs edilən zamin Lalə Bünyatovanın işi üzrə şikayətə baxıb və Sabunçu rayon Məhkəməsinin həbs qərarını araşdırmanın düzgün aparılmaması səbəbi ilə ləğv edib və işi geri qaytarıb. Lalə Bünyatova məhkəmə zalında həbsdən azad edilib. Bu barədə vəkili Əkrəm Həsənov facebook səhifəsində yazıb.
"Bu, ölkə tarixində borca görə həbsin ilk ləğvi oldu", deyə vəkil qeyd edib.
Lalə Bünyatova oktyabrın 20-də Sabunçu rayon Məhkəməsinin qərarı ilə 10 gün müddətinə həbs edilib. Səbəb bankdan pul götürməsi üçün zamin durduğu şəxsin borcunu ödəməməsidir. Qərarı məhkəmənin hakimi Süleyman Ağayev verib.
Əkrəm Həsənov deyir ki, "Atabank"a 8 min 701 manat borcu olan şəxsin özünü tapa bilməyiblər. Ona görə də zamin duran şəxsi həbs edib.
"Qərarda bildirilirdi ki, işsiz zamin üzrsüz səbəbdən borcu ödəmir. Halbuki, işsiz şəxsin borcu ödəməsi mümkün deyil. Burada vətəndaşın hər hansı təqsirindən söhbət gedə bilməz".
Azərbaycanda 31 bank fəaliyyət göstərir. Sentyabrın 1-nə olan məlumata görə, onların 5 milyon 720 min 291 nəfər müştərisi var. Müştərilərin 2 milyon 428 min 32-nin banklarda kredit hesabı var. Onların banklara olan vaxtı keçmiş borcları 1 milyard 824 milyon manatı ötüb. Bu cəmi kredit qoyuluşunun 15 faizi deməkdir. -03D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz