Bakı/06.10.18/Turan: Oktyabrın 1-də baş vermiş ağır yol qəzası -avtobus və qatarın torruşması- ilə əlaqədar iki nəfər həbs edilib. 160 saylı marşrutun sürücüsü və sərnişindaşımanı həyata keçirən şirkətin dispetçeri cinayət məsuliyyətinə cəlb olunublar.
Bakı Şəhər Prokurorluğunun məlumatında xatırladılır ki, oktyabrın 1-də saat 14:30-da Binə qəsəbəsində qorunan dəmir yolu keçidində yük qatarı ilə Əlixan Şirəliyevin idarə etdiyi 160 saylı "Daewoo" markalı marşrut avtobusu toqquşub.
Qəza nəticəsində 2006-ci ildə anadan olmuş Yusif Dadaşzadə və Şakir Əliyev (1962-ci il) həlak olublar, 40 sərnişin isə müxtəlif bədən xəsarəti alıb.
Fakt üzrə CM-in 263.3-cü (yol hərəkəti və nəqliyyat vasitələrinin istismarı qaydalarını pozma ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi başlanıb.
Ə.Şirəliyev iş üzrə təqsirləndirilən şəxs qismində cəlb edilərək ona qarşı CM-in qeyd edilən maddəsi ilə ittiham elan olunub və barəsində məhkəmənin qərarı ilə həbs qətimkan tədbiri seçilib.
Müəyyən edilib ki, həmin gün Ə.Şirəliyev tibbi müayinədən keçirilmədən reysə buraxılıb. Buna görə "Ayşən LTD" şirkətinin dispetçeri Mübariz Fərəcov cinayət məsuliyyətinə cəlb edilib. Ona qarşı CM-in 265-1.3-cü (ümumi istifadədə olan nəqliyyat vasitəsinin istismara verilməsi qaydalarının pozulması, ehtiyatsızlıqdan iki və ya daha çox şəxsin ölümünə səbəb olduqda) maddəsi ilə ittiham irəli sürülüb. O həbs edilib.
İstintaq davam edir, məlumatda deyilir.-06B--
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz