Bakı/01.03.18/Turan: Azərbaycan Xalq Cəbhəsi Partiyasının üzvü, 15 gün inzibati həbsə məhkum edilən Tofiq Məmmədovla bağlı Yasamal Rayon Məhkəməsinin qərarından apellyasiya şikayəti verilib. Bu barədə Turan-a vəkil Əsabəli Mustafayev fevralın 28-də Yasamal Rayon Polis İdarəsinin müvəqqəti saxlama yerində Tofiq Məmmədovla görüşdükdən sonra bildirib.
Onun sözlərinə görə, T.Məmmədovun 15 sutka həbs cəzası alması ilə bağlı məhkəmə qərarından çıxarışda həbsin hansı hüquqpozmaya görə verildiyi məlum deyil.
Vəkil ehtimal edir ki, bu inzibati cəza T.Məmmədova limon satdığına görə polislərin ona "narkotika sat, amma metronun yanında limon satma" deməsini ictimailəşdirməsi ilə bağlı ola bilər.
AXCP fəalı T.Məmmədov bu il fevralın 21-də "Kanal-13" İnternet TV-yə açıqlamasında metronun "İnşaatçılar" stansiyası yaxınlığında limon satdığına görə polislərin ona "narkotika sat, amma burada limon satma" dediyini ictimailəşdirib. Fevrlaın 22-də fəal saxlanılaraq 15 sutka inzibati cəza verilib.-0-
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz