Cəmil Həsənli
Azadlıq İndeksinə görə, Azərbaycan Mərkəzi Asiya, Afrika və Fars körfəzi ölkələrindən geri qalıb
Bakı/06.05.22/Turan: "Sərhədsiz Reportyorlar” beynəlxalq mətbuatı müdafiə təşkilatı 2022-ci il üçün "Mətbuat Azadlığı İndeksi"ni açıqlayıb. Hesabat 180 ölkəni əhatə edib. Mətbuat azadlığı göstəricilərinə görə, Azərbaycan 154-cü yerdədir. Ölkəmiz 153-cü yerdə olan Belarusla, 154-cü yerdə olan Rusiyanın arasına sığınıb. Bizim yaxın qonşularımız olan Gürcüstan 89-cu, Ermənistan isə 51-ci yerdədir. Bu barədə Demokratik Qüvvələrin Milli Şurasının sədri Cəmil Həsənli öz Facebook səhifəsində yazıb.
Türkmənistan istisna olmaqla, qalan bütün orta Asiya ölkələri Azərbaycandan irəlidədir. Məsələn, Tacikistan Azərbaycandan iki pillə qabaqda - 152-ci yerdə, Özbəkistan 133-cü yerdə, Qazaxıstan 122-ci yerdə, Qırğızıstan isə 72-ci yerdə qərar tutur.
Yəni, media azadlığı indeksinə görə, Orta Asiya dövləti olan Qırğızıstan Azərbaycandan 2 dəfədən də artıq irəlidədir”.
Azərbaycan media azadlığı göstəricilərinə görə nəinki Orta Asiya, Afrika ölkələrinin əksəriyyətindən geridədir. 2022-ci ilin indeksində Sudan bizim ölkədən 3 pillə irəlidə - 151-ci yerdə, Ekvatorial Qvineya 141-ci yerdə, Somali 140-cı yerdə, Zimbavya 137-ci, Ruanda 136-cı, Qərbi Saxara 135-ci, Uganda 132-ci, Nigeriya 129-cu, Seneqal 72-ci, Keniya 69-cu, Namibiya 18-ci yerdədir.
Daha bir müqayisəyə diqqət yetirək. Mətbuat azadlığı indeksinə görə, hətta rəsmi monarxiya rejimləri belə bizdən çox irəlidədir. Məsələn: Birləşmiş Ərəb Əmirliyi 138-ci yerdə, İordaniya 120-ci yerdə, Benin Krallığı 121-ci yerdə, Qətər monarxiyası 119-cu yerdədir, -Həsənli yazıb.
Cəmil Həsənlinin fikrincə, media haqqında yeni qanunun qəbulundan, vahid jurnalist vəsiqələrinin, KİV reyestrinin tətbiqindən sonra Azərbaycan dünyanın 180 ölkəsi arasında sonuncu sıralarda da ola bilər. 06B
Cəmiyyət
-
“Gəncə Şəhər Birləşmiş Xəstəxanası” publik hüquqi şəxsin vəzifəli şəxsləri Vidadi Hüseynov, Məhəbbət Abdullayev və digərlərinə Baş prokuror yanında Korrupsiyaya qarşı Mübarizə Baş İdarəsində Cinayət Məcəlləsinin müvafiq maddələri ilə cinayət işi başlanıb.
-
Azərbaycanda mobilliyin transformasiyası proqramı çərçivəsində yeni marşrut şəbəkəsinin tətbiqinə başlanılıb.
-
Bakcellin Baş İcraçı Direktoru, Klaus Mueller Azərbaycanın ilk qadınlar arasında Avropa çempionu şahmatçısı Ülviyyə Fətəliyevanı möhtəşəm qələbə münasibətilə təbrik etdi.
-
"Koroğlu" metrostansiyasının cənub çıxışında nəqliyyat mübadilə mərkəzi yaradılması ilə bağlı Azərbaycan Yerüstü Nəqliyyat Agentliyi (AYNA) tərəfindən layihə hazırlanaraq Nəqliyyatı Əlaqələndirmə Şurasına təqdim olunub və müvafiq qaydada razılaşdırılıb.
Azərbaycan Qərb münasibətlərində dəyişən nəsə varmı? – Əhməd Əlili Çətin sualda
Xəbər lenti
-
- Siyasət,
- 10:43
- 359
Rəy yaz