Bakı/14.11.18/Turan: Fəaliyyətini dayandırmış "Azadlıq" qəzetinin "Azərbaycan" nəşriyyatının 9-cu mərtəbəsində yerləşən ofisindən oğurluq edilib. Bu haqda Turan-a qəzetin redaktoru Rövşən Hacıbəyli bildirib.
R.Hacıbəylinin sözlərinə görə, qapını sındırıb içəri daxil olublar. "Azərbaycan saatı" proqramının redaksiya ofisindəki kamerasını oğurlayıblar. Bundan başqa qəzetin nüsxələrini də aparıblar. "Redaksiyada "Azərbaycan saatı" proqramının çəkilişləri aparılır. Həmin otaqdan 8-ci mərtəbədəki akt zalına qapı var. Akt zalında xeyli vaxtdır ki, təmir işləri aparılır. Elə həmin qapını sındırıb içəri giriblər. "Azərbaycan saatı"nın kamerasını götürüblər, masaların siyirmələrini də axtarıblar. Qəzetin 2005, 2006, 2007, 2008-ci illərdə çıxan saylarını da oğurlayıblar", - redaktor bildirib.
R.Hacıbəyli oğurluqla bağlı nəşriyyatın məsul işçilərinə və təmiri aparan briqadanın rəhbərliyinə məlumat verilib.
"Biz nəşriyyat işçilərindən şübhələnirik. Çünki qəzet fəhlənin nəyinə lazımdır, amma nəşriyyat işçiləri köhnə qəzetləri maklatura adıyla satırlar", - R.Hacıbəyli deyib.
"Azərbaycan" nəşriyyatından oğurluq faktı ilə bağlı danışmaq istəməyiblər.
Xatırladaq ki, "Azadlıq" qəzeti 1989-cu ildən nəşr edilirdi. Qəzetin baş redaktoru Nəcəf Nəcəfov olub.
"Azadlıq"ın sonuncu baş redaktoru Qənimət Zahid olub. O, hazırda Avropada mühacirətdədir və xaricdən yayımlanan "Azərbaycan saatı" proqramının rəhbəridir..
"Azadlıq" qəzetinin çapı 2016-cı ildən dayanıb.
Qəzetin saytı isə 2017-ci ildən məhkəmə qərarı ilə blok edilib. Buna səbəb kimi saytda dövlət əleyhinə bəzi yazıların dərc edilməsi göstərilib, qəzet rəhbərliyi və vəkilləri bununla razılaşmırlar.-05B-
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz