Azarkeşlər �Qarabağ-Arsenal"maçını gözləyir

Bakı/04.10.18/Turan: Bu gün Bakı Olimpiya Stadionunda Avropa Liqasının qrup mərhələsinin ikinci turu çərçivəsində "Qarabağ"- "Arsenal" maçı keçiriləcək.

Bu gün səhər saatlarına artıq 60 min bilet satılıb, bu da oyunla bağlı ajiotajı göstərir. Stadion 68 min nəfərlikdir.

Qrupda Azərbaycan və İngiltərə klublarından başqa Portuqaliyanın "Sportinq" və Ukraynanın "Vorskla" klubları oynayır.

Birinci turda "Qarabağ" rəqib meydançasında "Sportinq"ə 0:2 hesabı ilə uduzub, "Arsenal" isə öz meydançasında Ukrayna klubunu 4:2 hesabı ilə məğlub edib.

Bu oyun ətrafında ajiotaj püşkatmadan dərhal sonra başlayıb və məsələ təkcə məşhur İngiltərə klubunu Bakıda görməklə bağlı deyil. Qarşıda duran maçla bağlı müzakirələr əsasən "Arsenal"da oynayan erməni futbolçu Genrix Mxitaryanın Bakıya gəlişi ehtimalı ilə bağlı idi. Nəticədə Mxitaryan Azərbaycana gəlməkdən imtina edib, "Qarabağ"ın baş məşqçisi Qurban Qurbanov isə "Arsenal" klubunun bu qərarını "ən doğru qərar" adlandırıb.

"Qarabağ" klubunun tarixində bu, İngiltərə, daha dəqiq isə London klubları ilə üçüncü görüşdür.

2015-ci ildə Avropa Liqasının qrup mərhələsində Ağdam klubu "Tottenhem" klubu ilə görüşüb, rəqib meydançasında bu kluba 1:3, öz meydançasında isə 0:1 hesabı ilə uduzub.

2017-2018 mövsümündə Çempionlar Liqasının qrup mərhələsində "Qarabağ" "Çelsi" ilə oynayıb, ona rəqib meydançasında 0:6, öz meydançasında isə 0:4 hesabı ilə uduzub.

"Qarabağ" son beş ildir Azərbaycan çempionudur, beşinci dəfədir Avropa kuboklarının qrup mərhələsində oynayır. Avropa Liqasının qrup mərhələsində bu, Ağdam klubunun dördüncü çıxışıdır, bir dəfə də "Qarabağ" Çempionlar Liqasında oynayıb.

Azərbaycan çempionu hələlik Avropa kuboklarının qrup mərhələsini bir dəfə də keçə bilməyib.

Oyun Bakı vaxtı ilə saat 21:00-da başlayacaq. -71D-

Rəy yaz

Cəmiyyət

Berlin görüşü, Prezidentin mesajları, Qərbin addımları – Azər Qasımlı Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti