Azərbaycan alpinistləri Nanqa Parbata yola düşürlər
Bu gün Azərbaycan tarixində ilk dəfə olaraq Himalay ekspedisiyasına start verilir. Alpinizm üzrə Azərbaycan milli komandasının üzvləri Pakistana yola düşürlər. Məqsəd Nanqa Parbat zirvəsini (8125 m.) fəth etməkdir.
Buna qədər idmançılarımız müxtəlif beynəlxalq ekspedisiyaların tərkibində altı dəfə Himalaya yürüş ediblər.
Alpinizm Federasiyasının məlumatında deyilir ki, komandanın tərkibinə Himalay təcrübəsinə malik alpinistlər İsrafil Aşurlı, İsmayıl Əsgərov və Rüfət Qocayev daxildir. Komanda Diamerskoy divarı üzrə Kinşofer marşrutunu dəf etməyi planlaşdırır.
Nanqa Parbat dünyada hündürlüyünə görə doqquzuncu zirvədir. Pakistan ərazisində yerləşən bu dağ Qərbi Himalayın ən hündür zirvəsi hesab edilir. Bu dağ alpinistlər üçün ən sərt dağlardan biri hesab edilir. Uzun müddət bura bütün alpinistlər üçün ən təhlükəli yer hesab olunub. Sanskrit dilindən tərcümədə "dəhşətli çılpaq dağ” deməkdir.
“Bu, böyük hadisədir. Belə ki, Himalaya ilk milli ekspedisiyadır və Azərbaycan alpinizmində yeni səhifədir”, - Alpinizm Federasiyasının vitse-prezidenti Saridan Mursaqulov bildirib.
“Ötən ildən biz bütün çətinliklərə və maneələrə baxmayaraq, əzmlə beynəlxalq səviyyəyə çıxdıq. Fəxr edirəm ki, komandanın iki üzvü mənim rəhbərlik etdiyim Həmkarlar İttifaqları Alpinizm-Turizm Klubunun üzvləridir. İnanırıq ki, uşaqlar öz işlərini layiqincə yerinə yetirəcək və zirvəyə Azərbaycanın bayrağını sancaraq vətənə qayıdacaqlar. Bu ekspedisiya bizim alpinizmi məhv etdiyimizi bildirən insanlara cavabımızdır”, - S.Mursaqulov bildirib.-02V-
-
- Siyasət
- 3 İyun 2013 14:03
-
- İqtisadiyyat
- 3 İyun 2013 15:00
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz