Azərbaycan beynəlxalq analıq indeksində 90-cı yerdədir

 World Mother's Index reytinqində Belarus MDB-də ana və uşaqlar üçün  ən yaxşı həyat şəraitinin yaradıldığı ölkə kimi tanınıb.

World Mother's Index  15 ildir ki, Save the Children (Uşaqları xilas edin) beynəlxalq humanitar təşkilatı  tərəfindən tərtib edilir və hansı ölkələrdə analar və uşaqlar üçün yaxşı və pis şəraitin yaradıldığını göstərir. Ana və kiçik uşaq ölümü, təhsil, qadınların gəlirləri kimi göstəricilər də nəzərə alınır.

Reytinqdə Belarus 127 ölkə arasında 25-ci yeri tutub. Rusiya 56, Qazaxıstan 58, Ukrayna 69, Moldova 81, Gürcüstan 86, Azərbaycan 90, Ermənistan 103, Qırğızıstan 107, Özbəkistan 118, Tacikistan 127-ci yerdədir. Reytinqdə cəmi 179 ölkə təhlil edilib. Yer gəlmişkən, Belarusun göstəriciləri MDB ölkələri üçün ən yaxşı göstərici hesab olunub.

Maraqlıdır ki, əgər Belarusda hamiləliyin çətinləşməsi səbəbindən 45 min qadından biri ölürsə, Azərbaycanda və Ermənistanda 1800 qadından biri ölür.

Belarusda uşaq ölümü göstəricisi də aşağıdır – 1000 yeni doğulmuşa 4,9 ölüm düşür.  Azərbaycanda 1000 yeni doğulmuşdan 34,2-i, Ermənistanda 15-i ölür.

Uşaq doğulması və tərbiyəsi üçün ən yaxşı ölkələr sırasında ənənəvi olaraq Norveç, Finlandiya, İslandiya, Danimarka, İsveç, Niderland, İspaniya, Almaniyanın adları sadalanıb. Autsayderlər sırasında Somali, Konqo Demokratik Respublikası, Mərkəzi Afrika Respublikası, Mali var.—0--