"Rəsmi Bakıdan xahiş edin ki, valideynlərimi azadlığa buraxsın"

Dinara Yunusun valideynləri Leyla və Arif Azərbaycanın siyasi məhbuslarıdır. Bu ölkə ay yarım sonra ilk Avropa Olimpiya oyunlarına ev sahibliyi edəcək. Dünya iyun ayının 12-dən 28-ə qədər məhs belə zövqsüz formada idman hadisəsini seyr edəcək. Yunus Niderland Olimpiya Komitəsinə açıq məktublar vasitəsilə tanınmış hüquq müdafiəçiləri olan valideynlərinin taleyini önə çəkirdi.

Onun anası bu il Nobel mükafatına namizəd göstərilib. "Əgər bir hərəkət olmasa valideynlərim dəmir barmaqlıqlar arasında ölə bilər" - deyə o, NOC-NSF-nin direktoruna ünvanladığı məktubda yazır.  

Bu gənc xanım 5 il əvvəl valideynləri vasitəsilə Amnesti İnternational və Human Rights Watch-ın dəstəyi ilə Niderlanda gəlib. Keçən həftə Amnesti özünün iki nümayəndəsini Dielessen və onun köməkçisilə görüşə göndərib. Görüşdə 120 siyasi məhbusun taleyi müzakirə edilib. 

Leyla Yunus 2012-ci ildə Avrovijın mahnı yarışmasından qabaq evlərin sökülməsinə qarşı çıxış edirdi, 2014-cü ilin yayında isə o, artıq Avropa Olimpiya Komitəsinə ilk Avropa Olimpiya oyunlarının Bakıda keçirilməsinə etiraz edirdi. O, bir mətbuat konfransında ilk Avropa olimpiya oyunlarını baykota çağırmışdı. 

Əliyev rejminə qarşı fəaliyyəti Sülh və Demokratiya İnstitutunun direktoru xanım Yunusun həbsinə səbəb oldu. Bir az sonra onun həyat yoldaşı Arif Yunus "fırıldaqşılıq" və "vətənə xəyanət" ittihamlarıla həbs edildi. Televiziya ekranlarında o, casus kimi təqdim edilir. Onların məhkəmə prosesləri hələ baş tutmamışdır. 

Vaxt gözləmir

Avropa Olimpiya oyunlarına etiraz rolunu bu gün onların qızı aparır. O, cümə günü NOC-NSF-də baş tutan görüşdə buna cavab axtarırdı. Dinara Yunus hazırkı vaxt darlığından bunu ilk addım adlandırıb. Onun anasının çox ciddi sağlamlıq problemləri var və o, artıq özünün bir gözünün işığını itirmək üzrədir. 

Dinara deyir: NOC mənim valideynlərimin azadlığı üçün son ümid yeridir. Mən buna birinci addım kimi baxıram. NOC-NSF özünü daha fəal göstərməlidir. 

NOC-NSF yaxşı fikirləşməlidir ki, onlar Yunusa nə təkilf edə bilərlər. Xeyli müddətdir ki, Xəzər dənizinin neft ölkəsi olan Azərbaycanda insan hüquqlarının vəziyyətilə bağlı narahatçılıqlar mövcüddür. Bu Yunus ailəsinin başına gətirilənlərlə daha da ciddiləşib.

İdman forpost rolunda 

NOC-NSF-in sözçüsü Slot: Dinaranin öz valideynlərinin taleyilə bağlı naratçılığı başa düşüləndir. O, bütün vasitələrdən istifadə etməyə çalışır. Bu zaman idmana bir forpost kimi baxılması da aydındır. Əgər elə həmin həftə Niderlandın iqtisadiyyat naziri özünün azərbaycanlı həmkarı ilə Maastrixtdə ticarət əlaqələrindən danışırsa, bu məsələni bizim üçün mürəkkəbləşdirir. 

Amnesti international adından danışan Jan Üillem Dol isə deyir ki, sakit diplomatiya dövrü arxada qalmışdır. 

NOC-NSF deyir ki, iyunda Bakıda insan haqlarıyla bağlı bir tədbir təşkil etmək istəyir. Dielessen bir müddət öncə Azərbaycan səfiri ilə görüşüb və Yunus ailəsilə bağlı situasiya səfirin nəzərinə çatdırılıb.