2014-cü ildə Azərbaycanda 76 mln 90 min litr mineral su istehsal edilib, deyə Dövlətstatkomda Turan-a bildiriblər. İstehsalın 96%-i Naxçıvanın payına düşür.
Naxçıvan Statistika Komitəsinin məlumatına görə, ötən il burda 73 mln «Badamlı» və «Sirab» istehsal edilib. İstehsal 3,5% artıb.
Qax, Gədəbəy və başqa rayonlarda da mineral su istehsal edilir. Amma onların rəsmi payı cüzidir. Statsitikaya əsasən, 2013-cü ildə Gədəbəydə 1 mln 816 min (+46,7%), Qax rayonunda 1 mln 689 min dal (+0,7%) mineral su istehsal edilib. 2005-ci ildə Qax rayonundakı müəssisələr iki dəfə çox – 3 mln 384 min l mineral su istehsal edilmişdi.
DSK-nın məlumatları gsötərir ki, mineral su istehsalında şirkət yaratmadan sahibkarlıqla məşğul olan fiziki şəxslər üstünlük təşkil edir. 2013-cü ildə hüquqi şəxslərin payına 15 mln l mineral su düşüb. Bunun 9 mln 941 min litri Naxçıvanın payına düşür.
Həmin il “Gəmiqaya Mineral Sular” (Badamlı mineral su mənbələrinin üksklüziv istifadəçisi, “Gəmiqaya Holding”ə daxildir) 3 mln 773 min butulka su istehsal etdiyini bəyan edib. Ötən il üzrə məlumat açıqlanmayıb.
Bu il “Sirab” ASC (“Veyseloglu” şirkətlər qrupuna daxildir) 4 mln 225 min butulka mineral su istehsal edib.
Şirkətin məlumatına görə, Rusiya və Gürcüstana 514 minə yaxın butulka qazlı və qazsız su ixrac edilib. Şirkət iddia edir ki, satışın ümumi həcmi 918,1 min manat təşkil edib.
Dövlət Gömrük Komitəsinin məlumatına görə, ötən il ümumi bəyannamə qiyməti 818,5 min dollar olan 986 min litr mineral su ixrac edilib. İxrac 2,4% azalıb, ancaq daxil olan pul vəsaiti 14,4% artıb.
2014-cü ildə xaricdən 10,5 mln litr mineral su idxal edilib, bu da 2013-cü ilin göstəricisindən 3,2% çoxdur. Məhsulun üzdə bir hissəsi – 3 mln 535 min litr Gürcüstandan alınıb. Təxminən o qədər (3 mln 345 min litr) mineral su Rusiyadan gətirilir. Xarici mineral suyun bir litri Azərbaycan gömrüyündə orta hesabla 0,64 dollara rəsmiləşdirilir. Bir il əvvəl bu göstərici bir qədər çox - 0,67 dollar olub.
Pərakəndə satışda yerli mineral suyun bir litri 0,55 qəpiyə, “Borjomi” – 1,20 manata, “Yessentuki” 1 manata təklif edilir. 08B
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz