![Azərbaycan-Ermənistan: Dağlıq Qarabağda müharibə motivləri əsasında videooyun](https://turan.az/resized/media/2012/main/082200008293-750-500-resize.webp)
Azərbaycan-Ermənistan: Dağlıq Qarabağda müharibə motivləri əsasında videooyun
1992-ci ilin yazında erməni qoşunları Dağlıq Qarabağın Şuşa şəhərini işğal etdilər və bu, Ermənistanla Azərbaycan arasında həmin əraziyə nəzarət uğrunda silahlı münaqişədə dönüş nöqtəsi oldu.
Bugünkü Azərbaycan gəncliyi “İşğal altında” adlı videooyunun köməyilə tarixin gedişini dəyişmək imkanları əldə edib. Oyunda məqsəd şəhəri erməni qüvvələrindən geri almaqdır.
Oyunçular küçə döyüşlərində erməni düşmənlərlə vuruşan azərbaycanlı əsgərin rolunu yerinə yetirir. Oyun Bakı Dövlət Neft Akademiyasının 19 yaşlı tələbəsi Fərid Haqverdiyevin məhsuludur.
Müəllif qeyd edir ki, oyunun düşünülüb ərsəyə gətirilməsinə iki il vaxt gedib. O, bunu Neft Akademiyasındakı kurs yoldaşları ilə əməkdaşlıq şəraitində edib. Komanda oyunu özünümaliyyələşdirmə şəraitində (valideynlərin yardımı ilə) ev kompüterlərində sınaq və səhvlər metodu ilə hazırlayıb. Əldə olunan məlumatlara görə, bu, Azərbaycan vətəndaşlarının öz gücü ilə yaradılan ilk videooyundur.
Layihə üzərində iş sadəcə əyləncəli məqsədlər üçün oyun yaratmaq istəyindən irəli gəlməyib. Siyasi məqamlar da olub. “Oyunu yaradarkən biz gənclərimizdə vətənpərvərlik ruhunu qorumaq istəmişik və ümid edirəm ki, buna uğurla nail olmuşuq”, - F.Haqverdiyev EurasiaNet.org-a bildirib. Pulsuz yüklənməsi mümkün olan oyun Azərbaycan geymerləri tərəfindən rəğbətlə qarşılanıb.
Oyunun yaradılması müstəqil təşəbbüs olsa da, vəzifəli şəxslər ona Azərbaycan gənclərinin Dağlıq Qarabağ haqqında məlumatlandırılması, həmçinin bölgənin Azərbaycana qaytarılması üçün hakimiyyətin atdığı addımların dəstəklənməsi vasitəsi kimi baxaraq müsbət yanaşıblar.
Oyunun Prezident Administrasiyası tərəfindən təqdir olunması əlaməti olaraq Gənclər və İdman Nazirliyi “İşğal altında” oyununun rəsmi təqdimatını keçirib. Bu yay tədbir Hyatt Regency otelində keçirilib.
Dağlıq Qarabağ münaqişəsinin siyasi yolla nizamlanması barədə danışıqlar çoxdan dalana dirənib. Son illər Azərbaycanın bu ərazi ilə bağlı ritorikası üsyankar xarakter almağa başlayıb.
Videooyun ölkədə vətənpərvərlik ruhunun gücləndirilməsi üzrə hakimiyyətin atdığı addımlara yaxşı cavab verir.
Oyun əsəbləri zəif olanlar üçün deyil: burada hər yanda - sağda, solda insan öldürülür, çaylardan qan axır. Oyunçular bir neçə vəzifəni yerinə yetirməlidir, o cümlədən erməni düşmənləri öldürmək, yaralı azərbaycanlı əsgəri xilas etmək, sənədi tapmaq və Şuşa şəhərindəki binanı partlatmaq.
Oyun Şuşanın həqiqi görünüşünə uyğun şəhər peyzajı fonunda baş verir. Burada şəhərin görkəmli yerləri, Mədəniyyət Evi, Gövhər Ağa məscidi, Vaqifini mavzoleyi əks olunub. Fərid Haqverdiyev Şuşa erməni qoşunları tərəfindən işğal olunduqdan sonra anadan olsa da köhnə fotolara əsasən şəhəri bərpa edə bilib.
Videooyun Dağlıq Qarabağ münaqişəsinin dinc yolla nizamlanması baxımından hər hansı effekti verəcəkmi? Bu, mübahisəli məsələ olaraq qalır. Bəzi ekspertlər düşünürlər ki, videooyun Azərbaycanda aqressiv əhval-ruhiyyənin yayılmasına sövq edəcək.
“Güllə atanlar”ın düşmənçiliyin artmasına real hadisələrdən daha çox xidmət etməsini güman etmək üçün kifayət qədər faktiki məlumat yoxdur”, - “Beynəlxalq amnistiya” təşkilatının siyasi məsələlər üzrə keçmiş direktoru Tom Parker bildirib.
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz