![Mətbuat İcmalı-22.08.12](https://turan.az/resized/750/500/resize/media/2012/main/082200008297.jpg)
Mətbuat İcmalı-22.08.12
Ramazan bayramı günlərində əksər qəzetlər işləməyib. Bu gün yalnız “Azadlıq” və “Yeni Müsavat” qəzetləri dərc edilib.
“Azadlıq”
Nəqliyyat naziri Ziya Məmmədov şəxsi təyyarə alıb. Hakim ailə fövqəladə hallar naziri Kəmaləddin Heydərovdan sonra nəqliyyat nazirinə də “Gulf Stram”da uçmağa icazə verib.
Sumqayıtın icra başçısı şəhərin simvolunu götürüb. Şəhərin giriş hissəsində olan abidənin yerində yeni simvol qoyulacaq.
Naxçıvanda on gündən çoxdur ki, 160-a qədər kafe və çayxana bağlanıb. Yalnız 2-3 kafe işləyir, onlar da yüksək vəzifəli məmurların nəzarətindədir.
Qəzet Əli Kərimlinin guya Əbülfəz Elçibəyi zəhərləməsi barədə Müasir Müsavat Partiyasının sədri Hafiz Hacıyevin iddiası ilə bağlı prokurorluqda cinayət işi qaldırlmasına dair bir neçə məqalə dərc edib. Çoxdsaylı ziyalılar, ictimai və siyasi xadimlər qaldırılan cinayət işini “növbəti seçki şousu” sayır. “Məqsəd 2013-cü il president seçkiləridir”.
Ölkənin sabiq baş prokurorları zəhərlənmə ilə bağlı qaldırılmış cinayət işinə münasibət bildiriblər. “Bu cinayət işi hüquq tarixində böyük bir biabırçılıqdır”.
Qəzet AXCP sədri Əli Kərimlinin “Obyektiv” televiziyasına müsahibəsindən hissələri dərc edib. “Məni həbs etmək olar, öldürmək olar, amma məğlub etmək olmaz. Çünki mənim mübarizəm azadlıq idealına söykənir”, - o qeyd edib. Əli Kərimli ona qarşı aparılan kampaniyanın “hakimiyyətin 2013-cü il seçki hazırlığıdır” kimi qiymətlənirib.
Hüquq Maarifçiliyi Cəmiyyətinin sədri İntiqam Əliyev müsahibəsində deyib ki, ölkədəki biabırçılığın kökünü sistemdə axtarmaq lazımdır. Onun fikrincə, müstəqil məhkəmə olan ölkədə total seçki saxtakarlığı, bir ucdan dolan siyasi məhbus siyahıları olmaz. “Avropa Məhkəməsi hökumətin təhriki ilə işlərə baxmaqdan imtina etməklə çox pis presedentin əsasını qoyur”.
“Yeni Müsavat”
Bu gün İranda həbsdə olan Azərbaycan şairləri Şəhriyar Hacızadə və Fərid Hüseynin barəsində məhkəmə qərarı élan edilə bilər.
“İqtidar sahibkarları müxalifətə doğru itələyir” məqaləsində ölkədə monopoliyalar, biznes sahəsində qanunsuzluqlar, başqasının əmlakının zorla əlindən alınmasından bəhs olunur. “Hakimiyyət iqtisadi repressiyalara güc verib. Azərbaycanda mülkiyyət quldur dəstələri vasitəsi ilə bölüşdürülür. İş adamları təqiblərdən yaxa qurtarmaq üçün müxalifətlə əməkdaşlıq etməyə məhkumdur”.
Mərkəzi Bank fövqəladə hallar naziri Kəmalədiin Heydərovun nəzarətində olan “Gilan Holdinq”in təsis etdiyi “Gilan Bank”a lisenziya verməkdən imtina edib. “Fövqəlnazir”ə qarşı etimadsıqlıq mühiti yaradılır”.
“Zəlzələdən zərər çəkən kəndlərdə təlaş” məqaləsində Zaqatala-Qax bölgəsində zəlzələ nəticəsində uçmuş evlərin tikintisinin ləng aparılmasından danışılır. “Zaqatalada “evinizi qışadək tikib yekunlaşdıracağıq” vədi verən aidiyyatı qurumlar indi camaata “özünüzə daxma tikin” deyirlər”.
“Naxçıvanın boşaldılması ilə bağlı xüsusi plan var” məqaləsində deyilir ki, bölgəyə İrandan, Suriyadan, İraqdan PKK-ya simpatiyası olan kürdlərin köçürülməsi prosesi gedir.
Tanınmış fransız vəkil Andre Çami İslam Partiyasının həbsdə olan sədri Mövsüm Səmədovun hüquqlarının müdafisinə qalxıb. “Fransız vəkil artıq iki gündür Bakıdadır. O, cinayət işi ilə tanış olur və hüquq müdafiəçiləri ilkə görüşlər keçirir”.
“Azad mətbuatın reklam problemi kəskinləşir” məqaləsində ekspertlər çıxış yolunu siyasi şəraitin dəyişməsində görürlər.
“Novxanıda 161 hektar torpağı olan məmur” məqaləsində Abşeronda səfalı sahil ərazisi olan Novxanının yüksək vəzifəli məmurlar tərəfindən tutulduğundan bəhs olunur.
-
- Cəmiyyət
- 22 Avqust 2012 12:10
-
- İqtisadiyyat
- 22 Avqust 2012 12:54
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz