Azərbaycan-Ermənistan sərhəddini keçən Banqladeş vətəndaşları Yerevanda həbs olunublar
Yerevan/15.05.18/Turan: Mayın 8-nə keçən gecə Ermənistan-Azərbaycan sərhəddini keçən 6 nəfər Banqladeş vətəndaşı sərhəddi Naxçıvan tərəfdən keçib. Bu barədə Ermənistan Milli Təhlükəsilzik Nazirliyinin məlumatında deyilir. Onlar öz ifadələrində bildiriblər ki, iş axtarmaq məqsədilə İran sərhəddi ilə Türkiyəyə keçmək istəyiblər. Ancaq azıblar və təsadüfən Ermənistana gəlib çıxıblar.
Onlara qarşı 329-cu maddənin 2-ci bəndi (dövlət sərhəddini qanunsuz keçmək) ilə ittiham irəli sürülüb.
Onların şəxsiyyətinin, verdikləri ifadənin doğru olub-olmadığının, həmçinin radikal və terrorçu qruplaşmalara aid olub-olmadıqlarının müəyyən edilməsi üçün istintaq hərəkətləri aparılır.
Qeyd edək ki, Azərbaycan tərəfi Ermənistana Azərbaycan ərazisindən keçən banqladeşlilər barədə məlumatı şərh etməyib.-02D-
Cəmiyyət
-
Azərbaycanda uşaq ölümlərinin sayında artım olduğu bildirilir. Ötən il ilə bağlı rəsmi statistika hələ açıqlanmasa da, 2023-cü ildə 1 yaşınadək vəfat edən uşaqların sayı 2 min 39-a çatıb. Bu, 2022-ci illə müqayisədə 2.1 dəfə çoxdur. 1000 diri doğulan körpələrin ümumi sayında 1 yaşınadək vəfat edənlər 18.1 nəfər (1.8 faiz) təşkil edib.
-
Yanvarın 8-də Bakıda və Abşeron yarımadasında yağış yağacaq, bəzi yerlərdə intensiv olacaq. Günorta yağıntı kəsiləcək. Cənub-şərq küləyi əsəcək. Havanın temperaturu gecə 4-8, gündüz 8-11 dərəcə olacaq. Nisbi rütubət 75-85% təşkil edəcək.
-
Könüllülər Yeni il ərəfəsində “Bölüşək, sevindirək!” adlı növbəti xeyriyyə təşəbbüsünü həyata keçiriblər Dünya Azərbaycanlılarının Həmrəyliyi Günü və Yeni il münasibətilə “Azercell Könüllüləri” ənənəvi xeyriyyə aksiyası keçirib. “Bölüşək, sevindirək!” şüarı ilə təşkil olunan bu kampaniya çərçivəsində Könüllülər İkinci Vətən müharibəsinin şəhid və qazi ailələrinin, eləcə də aztəminatlı ailələrin uşaqlarını ziyarət edib və onlara bayram hədiyyələri təqdim ediblər. Ümumilikdə 200-dən çox uşağa bayram hədiyyələri çatdırılıb.
-
Bu gün, yanvarın 6-da Azərbaycanda 23 gün sonra keçiriləcək bələdiyyə seçkiləri ilə əlaqədar seçkiqabağı təşviqata start verilir. İndiyə kimi 16 min 174 nəfərin namizədliyi qeydə alınıb. Bu barədə Mərkəzi Seçki Komissiyasının (MSK) sədri Məzahir Pənahov yanvarın 6-da seçkilərlə bağlı iclasda bildirib. Onlardan 8 min 429 nəfəri 23 siyasi partiyanı təmsil edir.
Rəy yaz