![Azərbaycan futbol üzrə Avro-2020 çempionatını keçirmək istəyir](https://turan.az/resized/media/2013/main/052300037229-750-500-resize.webp)
Azərbaycan futbol üzrə Avro-2020 çempionatını keçirmək istəyir
Prezident İlham Əliyev “2020-ci ildə futbol üzrə Avropa çempionatının keçirilməsi üçün Bakı şəhərinin namizədliyinin irəli sürülməsi ilə bağlı tədbirlər haqqında” sərəncam imzalayıb.
Sərəncamda deyilir ki, futbol üzrə Avropa çempionatının təşkil edilməsi ilə əlaqədar namizədliyin qəbul edilməsi proseduruna uyğun olaraq, Avropa Futbol Assosiasiyaları İttifaqına (UEFA) təqdim edilmək üçün sifariş kitabı hazırlansın. Sifariş kitabının hazırlanması və bununla bağlı təşkilati işlərin görülməsi Azərbaycan Futbol Federasiyaları Assosiasiyasına (AFFA) həvalə olunsun.
Qeyd edək ki, bundan əvvəl Avro-2020-nin Azərbaycan və Gürcüstan tərəfindən birgə keçirilməsi ideyası irəli sürülmüşdü. Bundan əlavə, turnirin keçirilməsinə Türkiyə, həmçinin birgə olaraq Şotlandiya, İrlandiya və Uels maraq göstərib.
Lakin 2012-ci il dekabrın 6-da Lozannada (İsveçrə) keçirilən görüşdə UEFA İcraiyyə Komitəsi belə qərara alıb ki, Avro-2020 final turniri bir və ya iki ölkədə deyil, Avropa boyunca müxtəlif iri şəhərlərdə keçirilsin.
Bu qərar ondan irəli gəlib ki, 2020-ci ildə çempionat iştirakçılarının sayı 16-dan 24 komandaya qədər artacaq və bu, çempionatın bir ölkədə keçirilməsini çətinləşdirəcək.06D--
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz