Mətbuat-Monitorinq 23.05.13

Rəsmi və hökumətyönlü qəzetlər dövlət başçısı İlham Əliyevin XIX Azərbaycan Beynəlxalq qida sənayesi və VII Azərbaycan Beynəlxalq kənd təsərrüfatı sərgilərilə tanış olmasını ilk səhifələrə çıxarıblar.

Dövlət başçısı İ.Əliyev futbol üzrə 2020-ci il Avropa çempionatının keçirilməsi üçün Bakının namizədliyinin irəli sürülməsi,  Asiya İnkişaf Bankı Rəhbərlər Şurasının 48-ci illik toplantısının Bakıda keçirilməsi ilə bağlı Təşkilat Komitəsinin yaradılması haqda sərəncamları da bu qəzetlərdə yer alıb. 

“Azadlıq” qəzeti builki seçkilərdə dəstək ala bilmək üçün iqtidar mənsublarının Rusiya və Qərbə səfərlərini “iqtidarın iki qüvvə arasında çabalaması” və “seçki ümidsizliyi” adlandırır.

Gürcüstan prezidenti M.Saakaşvili “Gürcüstanın Azərbaycanla münasibətində strateji fəlakət” ehtimalının böyük olması” bəyanatını səsləndirib.

“Eurovision-2013” yarışmasında Azərbaycandan Rusiyaya verilən “səslərin itməsi” ilə bağlı İlham Əliyevin göstərişini müsabiqə təşklilatçıları “münsiflərin müstəqilliyinə potensial təhlükə” adlandırıb. 

“Ekspress” Təbrizdə həbsə alınan Azərbaycan ədəbiyyatşünası Xalidə Xalid və sürücüsünün azad olnuması əvəzində Bakıda həbsdə olan Mikayıl Kazıminin azad olunması tələbinə politoloqların “casusla elmi işçini başa-baş dəyişmək olmaz” şərhi verdiyini nəzərə çatdırır. 

“Exo” ekspertlərə istinadən ölkə rayonlarında son zaman yağan yağışların aqrar sahəyə ciddi ziyan vurduğunu, kənd təsərrüfatının ən yaxşı halda 3-4% ancaq heyvandarlıq sahəsi hesabına inkişaf edə biləcəyini qeyd edir. 

“Novoe Vremya” “Eurovision-2013” yarışmasında Azərbaycandan Rusiyaya göndərilən səslərin “itməsi”ndə rəsmi Bakının müsabiqə təşkilatçılarını günahlandırmasını “öz problemini “Eurovision”un üzərinə yıxması” adlandırır. 

“Bizim yol”  həbsdə olan keçmiş deputat Gülər Əhmədova cinayət işilə bağlı vəkillərinə KİV-lərə informasiya verməsi qadağası qoymasını “taktika”nı dəyişməsi adlandırır. 

“Texnikabank” əməkdaşlarının məhkəmə prosesində hakim Ramella Allahverdiyeva “Azadlıq” qəzetinin müxbirini prosesi qeyri-obyektiv işıqlandırmaqda ittiham edərək zaldan çıxarıb. 

“Yeni Müsavat” qəzetin redaktor müavini Azər Ayxanın təhlükəsizliyi üçün polis mühafizəsi istədyini yazır. 

Separatçı “Sadval” cəmiyyətinin Azərbaycan əleyhinə açıq hücumlara strat verib və yaxın günlərdə Azərbaycanla sərhəd Məhərrəmkənd məntəqəsində kütləvi aksiya keçirilməsi gözlənilir. 

Rəsmi Bakının seçki ilə bağlı ölkənin yerli idarəetmə qurumlarına daha çox “pul paylamaq” təlimatı göndərdiyi iddia edilir və bu ironiya ilə “seçki taktikasının dəyişməsi” adlandırılır. 

Beynəlxalq Valyuta Fondu Azərbaycanda siyasi qeyri-müəyyənliyin, geo-siyasi riskin artacağı, yeni siyasi situasiya yaranacağı halda iqtisadiyyatın çökəcəyi proqnozunu verib.