Azərbaycan London Olimpiadasında ilk medalını qazanıb. Belə ki, ağırlıq qaldırma üzrə Azərbaycan millisinin üzvü Valentin Xristov (56 kq.) bürünc medal qazanıb. Bu, ölkənin ağır atletika yarışında qazandığı ilk olimpiya medalıdır.
Cüdoçu Tərlan Kərimov yarımfinala çıxa bilməyib. O 1/4 final mərhələsində mübarizəni dayandırıb. Azərbaycan cüdoçusu İspaniya idmançısı Sugoi Uriarte ilə qarşılaşmada 2:0 hesabı ilə məğlub olub.T.Kərimov (66 kq.) olimpiya oyunlarında ilk dəfə idi çıxış edirdi.
İyulun 28-də cüdo yarışlarında İlqar Müşkiyev (60 kq.) mübarizəyə 1/16 finaldan qoşulub, lakin uduzaraq mübarizəni dayandırıb.
Güllə atıcısı İradə Aşumova Olimpiya Oyunlarında ilk sınağına çıxıb, lakin finala yüksələ bilməyib. 55 snayperin yarışdığı bu növdə 4 atışdan 372 xal toplayıb və 39-cu yeri tutub. O, avqustun 1-də 25 m. məsafəyə atəşaçma yarışlarına da qatılacaq.
Azərbaycanlı idmançıların böyük bir qrupu yarışlara yaxın günlərdə başlayacaq.
İyulun 28-də başlayan olimpiya oyunları avqustun 12-də başa çatacaq.—16C-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz