Müdafiə sənayesi naziri Yavər Camalov Azərbaycan hökumətinə ölkənin müdafiə sənayesinin inkişaf planını təqdim edib. Xüsusən, yeni istehsal sahələrinin yaradılması və istehsalat texnologiyalarının alınması təklif edilib.
Çərşənbə günü müdafiə sənayesi işçilərinin peşə bayramına həsr edilmiş tədbirdə çıxış edən Camalov deyib ki, 2007-2014-cü illərdə 50-dən çox yeni istehsal sahəsi yaradılıb. Bu illərdə istehsal həcmi 2,4 dəfə artıb.
“Nazirliyin müəssisələri minaatanlar, pulemyotlar, avtomatlar, pilotsuz “Aerostar” aparatları və müdafiə sənayesinin digər məhsullarını istehsal ediblər və sifarişçilərə təqdim ediblər”, deyə idarənin mətbuat xidməti nazirdən sitat gətirir.
2014-cü ildə müəssisələr kapsul istehsalını mənimsəyib ki, bu da döyüş sursatları istehsalında xarici asılılığı azaldıb. 30 mm çaplı AQS-30 avtomatik bombaatanları, minaatanlar üçün döyüş sursatları, A-100 tipli gecə görmə cihazı üçün döyüş kompleksinin yaradılması yekunlaşıb və seriya şəklində istehsalı tövsiyə edilib, snayper tüfənglərinin zavod sınaqları həyata keçirilib, deyə o bildirib.
“Aqreqat” İB-nin baş direktoru Fərhad Cəfərquliyev öz növbəsində bildirib ki, Bakı Cihazqayırma Zavodunda Rusiyaya və digər ölkələrə ixrac olunan iki döyüş texnikası növünün müasirləşdirilməsi üzrə işlər aparılır.
“Dalğa” Elmi-İstehsalat Müəssisəsinin baş direktoru Mübariz Ağayev deyib ki, onun müəssisəsi 37 adda silahın təmirini, iki növ müdafiə məhsulunun istehsalını, habelə yararsız silahın utilizasiyasını həyata keçirir. -02D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz