Çərşənbə günü “Park İNN” otelində QHT-lərə Dövlət Dəstəyi Şurası və Dini Qurumlarla İş üzrə Dövlət Komitəsi (DQDK) “Dövlət - din münasibətləri və vətəndaş cəmiyyəti” mövzusunda konfrans keçirib.
Komitə sədri Mübariz Qurbanlı dövlət-din münasibətlərinin hazırda çox aktual olduğunu deyib. Bu sahənin ölkədə sabit və sistemli inkişaf etdiyini bildirib. Ölkəmizdə müxtəlif dini konfessiyaların ölkədə azad şəkildə fəaliyyət göstərdiyi vurğulanıb. M.Qurbanlı din əbasına bürünən qara niyyətli müxtəlif dairələrin din adı altında siyasi məqsədlərinin həyata keçməsinə imkan verilməməsi üçün dövlətin dini icmalar və vətəndaş cəmiyyəti qurumları ilə əməkdaşlığa maraqlı olduğu qeyd edilib.
Şura sədri, deputat Azay Quliyev konfransın dövlət-din və cəmiyyət münasibətlərinin tənzimlənməsində mühüm əhəmiyyət daşıdığını deyib. O, ölkədə din dövlətdən ayrı olsa da, cəmiyyət həyatının dindən kənarda olmadığını nəzərə çatdırıb. Dünyada dini zəmində münaqişələrin davam etdiyi indiki dövrdə Azərbaycanda ictimai-siyasi sabitlik və dini tolerantlığın mövcud olduğu ifadə edilib. Bu şəraitin qorunmasında vətəndaş cəmiyyəti institutlarının potensiala malik olduğu nəzərə çatdırılıb.
Bir çox beynəlxalq media qurumlarının İŞİD terror quruplaşmasını dünyaya “İslam dövləti” kimi təqdim etməsi pislənilib. Belə təqdimat islam dininə və tolerantlığa zərbə hesab edilib. Din adı altında ölkəyə daxil olmağa çalışan radikal qruplara qarşı mübarizədə təkcə inzibati resursların yetərli olmadığı, bu işdə hər bir vətəndaşın fəallığının vacibliyi önə sürülüb.
A.Quliyev dini icmalarla QHT-lərin yaxından iş birliyinə nail olmaq üçün Şura ilə dini komitə arasında əməkdaşlıq memorandumu imzalanacağını bəyan edib.
Parlamentin vitse-spikeri Bahar Muradova Şura və dini komitənin səmərəli fəaliyyəti üçün hər iki qurumun fəaliyyətinin əlaqələndirilməsini vacib sayıb. Dini icmalarda, QHT-lərdə dini maarifçilik işini günün tələbləri səviyyəsində təşkil edə biləcək kadr potensialının olduğu iddia edilib.
Tədbirin sonunda QHT-lərə Dəstək Şurası və DQİDK arasında əməkdaşlıq memorandumu imzalanıb. -05D-
Cəmiyyət
-
Azərbaycan rütubətli və soyuq hava şəraitinə hazırlaşır, Bakıda və Abşeron yarımadasında yağış və qar yağacağı proqnozlaşdırılır. Milli Hidrometeorologiya Xidməti güclü şimal-qərb küləyinin gün ərzində tədricən zəifləyəcəyini bildirir.
-
Azərbaycan Xarici İşlər Nazirliyi (XİN) Rusiya İnformasiya və Mədəniyyət Mərkəzinin (Rus Evi) Bakıda qeydiyyata alınması tələbi ilə həmin ölkənin XİN-inə nota göndərib.
-
Antisemitizm yəhudi tarixinin əsas hissəsi olub və bütün Avropada qaçqın dalğalarına səbəb olub. Orta əsrlərdə minlərlə yəhudi Fransa, İspaniya, Portuqaliya və Avropanın digər ölkələrində repressiya və qırğınlardan canlarını qurtararaq Osmanlı İmperiyasında sığınacaq tapıblar.
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
Rəy yaz