Bakı/31.10.17/Turan: Gürcüstan Daxili İşlər Nazirliyi Azərbaycan hüquq-mühafizə orqanlarının 2014-cü ildən İnterpol vasitəsi ilə adam öldürmək ittihamı ilə axtardığı 27 yaşlı şəxsi oktyabrın 30-da Gürcüstanın Marneuli rayonunda saxlayıb. Saxlanılan şəxs Azərbaycan vətəndaşıdır. Bu barədə newsgeorgie.ge saytı rəsmi orqanlara istinadən məlumat yayıb.
Gürcüstan hüquq-mühafizə orqanları həmin şəxsi Marneuli şəhərindən Parvan qəsəbəsinə avtomobildə hərəkətdə olarkən saxlayıb. Axtarış zamanı onun avtomobilindən bir ədəd AKM tipli avtomat və 50 patron olan iki avtomat sandığı götürülüb.
Həmin şəxsə qarşı Gürcüstanda sərhədi qanunsuz keçmə və qanunsuz odlu silah, sursat saxlama ittihamı irəli sürülüb. Tutulan şəxsi Gürcüstan Cinayət Məcəlləsinə görə 3 ildən 6 ilədək həbs gözləyir.
Gürcüstan hüquq-mühafizə orqanları saxlanılan şəxsin ad və soyadı barədə məlumat verməyib.
Azərbaycan hüquq-mühafizə orqanları isə hələ bu məlumatla bağlı şərh verməyib. -03D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz