Azərbaycanda �Valideyn nəzarəti və internet təhlükəsizliyi� proqramı təqdim ediləcək

Bakı/31.10.18/Turan: Noyabrın 1-də Azərbaycanda "Valideyn nəzarəti və internet təhlükəsizliyi" (www.kidsafe.az) proqramının təqdimatı olacaq. Tədbirdə uşaq hüquqlarını qoruyan müvafiq dövlət qurumları, yerli və beynəlxalq təşkilatların nümayəndələri iştirak edəcəklər.

www.kidsafe.az proqramı 1000-dən çox pornoqrafik, ekstremizm amilləri, zorakılıq, spam və virus xarakterli və s. kimi filtrləyici məlumat bazası ilə tam formada daxili qoruyucu funksiya ilə təmin olunub. Eləcə də, istifadəçi tərəfindən spesifik filtrləmə funksiyası əlavə olunub. Proqramda uşağın istifadəsi zamanı keylogger sistemi (bloklama) işə düşərək istifadə etdiyi vebsaytlar, proqramlar və sözlər kimi istənilən məlumatlar qeyd edilərək valideynə ötürülür. Kompyuterə uzaqdan vaxt limiti təyin etmək kimi funskiyası da yüksək səviyyədə çalışır. Sistemdə əlavə olaraq boş vaxt modulundan irəli gələrək blog sistemi də yaradılıb ki, burada valideynlər səhiyyə, psixoloji aspektlər, hüquqi maarifləndirmə, sual-cavab kateqoriyaları üzrə məlumatlar yerləşdirə bilər. Proqram təminatı E-Box şirkətinin texniki dəstəyi ilə hazırlanıb.

Tədbir zamanı Ailə, Qadın və Uşaq Problemləri üzrə Dövlət Komitəsi və Kapital Bank arasında 2 illik əməkdaşlıq memorandumu imzalanacaq. Əməkdaşlıq çərçivəsində uşaq hüquqlarının müdafiəsi sahəsində maarifləndirmə tədbirlərinin həyata keçirilməsi, uşaqların internetdən təhlükəsiz istifadəsi sahəsində proqram sistemlərinin yaradılması, sosial çarxların çəkilməsi və bu sahədə konfransların və digər tədbirlərin təşkili nəzərdə tutulub. -03D-