Azərbaycanın ABŞ-da öz maraqlarını lobbiləşdirməsi üçün səxavətli xərcləri

Azərbaycanın xaricdəki ən uzunmüddətli səfirlərindən biri Elin Süleymanov bu il oktyabrın 26-da Vaşinqtonda bu vəzifədə olmasının səkkizinci ildönümünü keçirəcək. Qeyd edək ki, Vaşinqton heç də həmişə qarşısına qoyulan vəzifələrin öhdəsindən layiqincə gəlməməsi ilə məşhurdur.

49 yaşlı E.Süleymanov uzaq gələcəkdə Bakıdakı sahibləri üçün Ağ Evə səfərlər təşkil etmək ümidilə bahalı kontraktların lobbiləşdirilməsi vasitəsilə ABŞ-da nüfuz qazanmaq üçün səxavətli xərcləri ilə tanınan diplomat reputasiyasına malikdir.

ABŞ Ədliyyə Nazirliyinin məlumatına görə, 2017-ci ildən başlayaraq son üç ildə Azərbaycanın bu ölkədəki səfirliyi zəngin neft ehtiyatlarına malik, ABŞ və İsrail ilə sıx əlaqələri olan ölkənin layihələrinin dəstəklənməsi məqsədilə BGR Group-a lobbiçilik fəaliyyətinə görə xərcləri ən azı $,136,000 dollar artırıb.

Yuxarıda qeyd olunan məlumatlar, Süleymanovun bir vaxtlar nəhəng Podesta Group ilə imzaladığı bəzi müqavilələrin reallaşması ilə bağlıdır. Lobbi fəaliyyəti üçün xərclər 2016-17-ci illərdə $926,587 təşkil edib.

Yayın əvvəlində BGR Group keçmiş konqresmen Bill Delahanta (Massaçusetsdən demokrat) Azərbaycan hökuməti ilə əlaqələrdə şirkətin maraqlarına lobbiçilik etmək üçün subpodratçı olmağı təklif edib. B.Delahant əvvəllər Eckert Seamans-da xüsusi məsləhətçi olub.

Dövlət Departamentinin məlumatına görə, hazırda BGR Group-da Azərbaycanın maraqları ilə əlaqəli olan digər şəxslərin sırasında Konqresin keçmiş ştatlı əməkdaşı Uolker Roberts, Mark Tavlarides, lobbiçi Mayu Sayden, Klinton və Obama administrasiyanın veteranı, həmçinin Ed Rocer, Pit Landrum və Lester Menson var.
BGR Group bu məlumatı şərh etməkdən imtina edib.

Azərbaycan üzrə ekspert Turan-ın müxbiri ilə söhbətində ölkənin lobbi fəaliyyəti üçün artan xərclərini "boş yerə pul itkisi" kimi xarakterizə edib.
2018-ci ilin aprelində Bakıda "Tramp qülləsi"nin yanmasından az öncə Azərbaycanın Vaşinqtondakı səfirliyi Trampın seçki kampaniyası fondunun keçmiş rəhbərinin başçılıq etdiyi Ballard Partners şirkətinə iş təklif edib.

Vaşinqtonda lobbi qruplarının insan hüquqları problemləri olan ölkələrin, o cümlədən Azərbaycanın maraqlarına uyğun fəaliyyətini xarakterizə edən analitiklər həm müsbət, həm də mənfi arqumentlərdən geniş istifadə olunduğunu qeyd edirlər. "Korrupsiya və pulların yuyulması faktları daha çox pislənilir" analitik Turan-ın müxbirinə bildirib.

"Vaşinqton rəsmilərinin bir çoxu Azərbaycana pulların yuyulması ocağı kimi baxır. Burada çoxmilyardlıq kleptokratik sxemlərə cəlb edilmiş Azərbaycanın hökumət və hakim klan üzvləri iştirak edirlər. Bu vəsaitlərin bir hissəsi neft şirkətlərinə, sonradan isə lobbi şirkətlərinə göndərilir", - mənbə əlavə edib.
Digər tərəfdən Azərbaycan hökumətinin Vaşinqtonda öz nüfuzunu artırması üçün ən inandırıcı addımlardan biri kimi Qərblə yeni münasibətlərin, öz xalqının maraqları naminə daha açıq, şəffaf və demokratik münasibətlərin qurulması cəlbedici fürsət ola bilər.

Aleks Raufoğlu
VaşinqtonD.C.